ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

तुलसीपुरका किसानलाई मकै र धानको बीउ अनुदान

२०७७ बैशाख, ३०  
प्रदेश ०५
NA

दाङ (अस) । दाङको तुलसीपुर उपमहानगरपालिकाले किसानलाई मकै र धानको बीउ वितरण शुरू गरेको छ । किसानलाई मागको आधारमा सोमवारदेखि मकैको बीउ वितरण शुरू गरिएको उपमहानगरपालिकाको कृषि विकास शाखाले बताएको छ ।

कृषि विकास शाखाका प्रमुख धनराज गौतमका अनुसार सोमवारदेखि  कृषकलाई मकैको बीउ वितरण गर्न शुरू गरिएको छ । धानको बीउ भने जेठको पहिलो हप्ताबाट मात्र वितरण गरिने उनले बताए । उपमहानगरले कृषकलाई ५० प्रतिशत अनुदानमा बीउ वितरण शुरू गरेको हो ।  उपमहानगरले कृषकलाई अनुदानमा उन्नत जातको मकै र धानको बीउ वितरणका लागि सार्वजनिक रूपमा आह्वान समेत गरेको छ । सूचनाका आधारमा दुवै बालीका लागि ५०० भन्दा बढी किसानले आवेदन दिएको गौतमले जानकारी दिए । कृषकको आवश्यकता पहिचान गरी सामाजिक दूरी कायम गर्दै वडा कार्यालयमार्फत बीउ वितरण गरिनेछ । यस वर्ष हिउँदे वर्षा भएकाले मकैबाली राम्रो हुने किसानले अपेक्षा गरेका छन् ।

प्रतिक्रिया [0]
प्रतिक्रिया दिनुहोस्