ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

जगातीमा डिस्इन्फेक्सन टनेल सञ्चालन

२०७७ बैशाख, ३०  
वाग्मती प्रदेश
NA

भक्तपुर । पूर्वका जिल्लाबाट काभ्रे हुँदै राजधानी प्रवेश गर्ने प्रमुख नाकाका रूपमा रहेको भक्तपुरको जगातीमा ‘डिस्इन्फेक्सन टनेल’ सञ्चालनमा आएको छ । सवारी साधन निःसंक्रमण गराउने उद्देश्यले काठमाडौँ उपत्यकामा विद्युतीय सवारी साधन सञ्चालन गर्दै आएको सुन्दर यातायातले अरनिको राजमार्ग सडकखण्ड अन्तर्गत सूर्यविनायक नगरपालिका–८ जगातीमा उक्त टनेल सञ्चालनमा ल्याएको हो ।

काभ्रेबाट भक्तपुरहुँदै काठमाडौँ भित्रने सवारी साधनलाई कोरोना भाइरसको जोखिम कम गर्न सरकारको स्वीकृतिमा टनेल निर्माण गरेको हो । अरनिको राजमार्ग, वीपी राजमार्ग लगायत पूर्वबाट काभ्रे हुँदै आएका चारपांग्रे सवारी साधनलाई जगाती चेकपोष्टमा राखिएको टनेलमा निःसंक्रमण गरेर मात्रै प्रवेश गराउन शुरू गरिएको छ ।

टनेलको संघीय सांसद एवं पूर्वउद्योगमन्त्री महेश बस्नेतले उद्घाटन गर्दै कोरोना भाइरसको संक्रमण रोक्न सरकारले गरेको प्रयासलाई निजी क्षेत्रले पनि पुर्‍याउँदै आएको सहयोग प्रशंसनीय रहेको बताए । ‘अहिले विश्वमा झण्डै २५० देशमा कोरोना भाइरसको संक्रमण फैलिएको छ, कोरोनाको संक्रमण रोक्ने भएको प्रयासमा उत्कृष्ट काम गर्ने मुलुकमध्ये नेपाल ५० औँ नम्बरमा पर्छ,’ उनले भने, ‘सार्क राष्ट्रमा नेपाल कोरोना संक्रमण रोक्न गरेको सफल प्रयासमा पहिलो नम्बरमा पर्छ, अहिलेसम्म नेपालमा कोरोनाबाट मृत्यु नहुन पनि उपलब्धि हो ।’

लकडाउनको समयमा खाद्यपदार्थ तथा अन्य अत्यावश्यक सामग्री बोकेका सवारी साधनलाई निःसंक्रमण गराएर प्रवेश गराउन टनेल निर्माण गरिएको सुन्दर यातायातका अध्यक्ष भेषबहादुर थापाले जानकारी दिए ।स्वास्थ्य सेवा विभागले स्वीकृत गरेको क्लोरिन झोल राख्नका लागि सोही कम्पनीले ५ हजार लिटर क्षमताको एउटा र १ हजार लिटर क्षमताको एक गरी कुल ६ हजार लिटर क्षमताका ट्यांकी राखेको छ । हरेक दिन पानी र क्लोरिन झोल मिलाएर सवारी साधनलाई निःसंक्रमण गरिनेछ । रासस

प्रतिक्रिया [0]
प्रतिक्रिया दिनुहोस्