ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

कृषि विकास बैंकको नाफामा कमि, वितरणयोग्य नाफा १ अर्बभन्दा बढी 

२०७७ बैशाख, ३०  
लगानी
NA
author avatar अभियान संवाददाता

वैशाख ३०, काठमाडौं । कृषि विकास बैंकको नाफा गत वर्षभन्दा यस वर्ष कम भएको छ । 

मंगलवार सार्वजनिक भएको तेस्रो त्रैमासको वित्तीय विवरण अनुसार बैंकले यस वर्ष रू. २ अर्ब ४ करोडभन्दा बढी नाफा गरेको हो । यो नाफा गत वर्षको यसै अवधिसम्म रू. २ अर्ब २१ करोडभन्दा बढी थियो । गत वर्षभन्दा यस वर्ष बैंकको नाफा ७ दशमलव ७८ प्रतिशत कम भएको हो । 

यस अवधिसम्म बैंकको शेयरधनीहरुलाई लाभांश मार्फत वितरण गर्न सकिने विरणयोग्य नाफा भने रू. १ अर्ब २५ करोडभन्दा बढी छ । गत वर्षभन्दा यस वर्ष बैंकको सञ्चालन नाफा २ दशमलव ४५ प्रतिशत र खुद ब्याज आम्दानी पनि १७ दशमलव ७३ प्रतिशतले घटेको छ । 

यस वर्ष कोरोना भाइरसका कारण गरिएको लकडाउनको प्रभाव कम्पनीको त्रैमासिक वित्तीय विवरणमा देखिएको छ । गत वर्ष रू. २ अर्ब ७६ करोड ९२ लाखभन्दा बढी सञ्चालन नाफा गरेको बैंकले यस वर्ष रू. २ अर्ब ७० करोड १३ लाखभन्दा बढी सञ्चालन नाफा गरेको हो । 

त्यस्तै गत वर्ष यस अवधिसम्म रू. ५ अर्ब ३० करोड १९ लाखभन्दा बढी खुद व्याज आम्दानी गरेको बैंकले यस वर्ष सोहि अवधिसम्म रू. ४ अर्ब ३६ करोड १८ लाखभन्दा बढी खुद व्याज आम्दानी गरेको छ ।

 हाल बैंकको चुक्तापूँजी रू. १४ अर्ब ९८ करोड ९१ लाखभन्दा बढी छ । गत वर्ष यस अवधिसम्म बैंकको चुक्तापूँजी रू. १४ अर्ब ४४ कोड ८२ लाखभन्दा बढी थियो । जगेडा कोष रकम गत वर्षभन्दा शून्य दशमलव ४१ प्रतिशत कम रू. १० अर्ब ४३ करोड ९० लाखभन्दा बढी कायम भएको छ । 

गत वर्ष यस अवधिसम्म बैंकको जगेडा कोषमा रू. १० अबै ४८ करोड २४ लाखभन्दा बढी रकम रहेको थियो । गत वर्षभन्दा यस वर्षको तेस्रो त्रैमाससम्म बैंकले ९ दशमलव ७८ प्रतिशत बढी  अर्थात् रू. १ खर्ब ३० अर्ब ५१ करोड ८६ लाखभन्दा बढी निक्षेप संकलन गरेको छ भने गत वर्षभन्दा साढे ११ प्रतिशत बढी अर्थात् रू. १ खर्ब २१ अर्ब ३९ करोड ५७ लाखभन्दा बढी कर्जा प्रवाह गरेको छ । 

 गत वर्ष १९ दशमलव ७४ रहेको बैंकको निष्क्रिय कर्जा यो वर्ष १९ दशमलव ८२ कायम भएको छ । तेस्रो त्रैमाससम्म बैंकको प्रतिशेयर आम्दानी रू. २६ दशमलव ५५ र प्रतिशेयर नेटवर्थ रू. २३२ दशमलव ११ छ । यस अवधिसम्म बैंकले २८ दशमलव ३७ प्रतिशत तरलता व्यवस्थापन गरेको छ ।

प्रतिक्रिया [0]
प्रतिक्रिया दिनुहोस्