ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

सहकारीको ७५ अर्बमाथि छानबिन

२०७६ फागुन, २  
१० वर्ष अघि
NA

सीमित वित्तीय कारोबार गर्ने देशभरका चार हजार सहकारीहरूले ७५ अर्बभन्दा बढी पूँजी परिचालन गरिरहेका छन् । तर उनीहरूको पूँजी कति सुरक्षित छ ? त्यसको यकिन गर्न अर्थ मन्त्रालयले बल्ल शुरू गरेको छ । सहसचिव विमल वाग्लेको संयोजकत्वमा गठित समितिले सहकारीहरूले संकलन गरेको निक्षेप र कर्जा लगानीको बारेमा छानबिन गरिरहेको जानकारी एक अधिकारीले दिएका छन् । केही दिनअघि गठित समितिमा नेपाल राष्ट्र बैंकका डेपुटी गभर्नर कृष्णबहादुर मानन्धर र सहकारी विभागका रजिस्ट्रार महेश्वर शर्मा पौडेल रहेका छन् ।

स्रोतका अनुसार सहकारीहरूले सबैभन्दा बढी लगानी घरजग्गामा  गरेका छन् । ‘कुनै कुनै सहकारीले त आफूले संकलन गरेका निक्षेपको ९० प्रतिशतसम्म लगानी घरजग्गामा गरेको पाइएको छ । त्यसबारे छानबिनको काम भइरहेकाले वास्तविक लगानी कति छ भन्ने अझै यकिन भइसकेको छैन,’ समितिका एक सदस्यले अभियानसँग भने । गत साता राष्ट्र बैंकले बैंक तथा वित्तीय संस्थाले घरजग्गाको मूल्य घट्ने र त्यसबाट आफूहरूको बिचल्ली हुने भयले सहकारीका सञ्चालकहरू आतंकित भइरहेको अधिकारीहरूको भनाइ छ । ‘अलिकति तलमाथि हुनेबित्तिकै दुर्घटनाउन्मुख बनाउन सक्छ,’ अर्थ मन्त्रालयद्वारा गठित  समितिका ती सदस्यले भने ।                                

वर्ष ५, अंक १६, २०६६, पुस ६–१०

प्रतिक्रिया [0]
प्रतिक्रिया दिनुहोस्