ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

लक्ष्मी बैंकको नाफा १ अर्बभन्दा बढी, वितरणयोग्य नाफा ४१ करोडभन्दा बढी ऋणात्मक 

२०७७ बैशाख, ३०  
लगानी
NA
author avatar अभियान संवाददाता

वैशाख ३०, काठमाडौं । लक्ष्मी बैंकको चालू आर्थिक वर्षको तेस्रो त्रैमाससम्म वितरणयोग्य नाफा रू. ४१ करोड १ लाखभन्दा बढी ऋणात्मक रहेको छ । मंगलवार उक्त कम्पनीले तेस्रो त्रैमाससम्मको वित्तीय विवरण सार्वजनिक गरेको हो । 

उक्त विवरण अनुसार कम्पनीको नाफा रू. १ अर्ब ८ करोड ९९ लाखभन्दा बढी छ । गत वर्ष यस अवधिसम्म यो नाफा रू. १ अर्ब २ करोड ९६ लाखभन्दा बढी थियो । गत वर्षभन्दा यस वर्ष उक्त कम्पनीको नाफा ५ दशमलव ८६ प्रतिशत बढी भएको हो । 

यस वर्ष कम्पनीको सञ्चालन नाफा ३ दशमलव १२ प्रतिशत बढी रू. १ अर्ब ५६ करोड ७५ लाखभन्दा बढी भएको छ । गत वर्ष यस अवधिसम्म यो नाफा रू. १ अर्ब ५२ करोडभन्दा बढी थियो । खुद व्याज आम्दानी गत वर्षभन्दा यस वर्ष १८ दशमलव ८६ प्रतिशत बढी रू. २ अर्ब ६१ करोडभन्दा बढी छ । 

कम्पनीले यस वर्ष १० प्रतिशत बोनस मार्फृत चुक्तापूँजी बढाएर रू. ९ अर्ब ८१ करोड २५ लाख ६० हजार पुगेको छ । गत वर्ष यस अवधिसम्म उक्त कम्पनीको को चुक्तापूँजी रू. ८ अर्ब ९२ करोड ५ लाख ९ हजार थियो । जगेडाकोष रकम साढे ५ प्रतिशत बढी अर्थात् रू. २ अर्ब ४० करोड १५ लाखभन्दा बढी कायम भएको छ । 

कम्पनीले गत वर्षभन्दा यस वर्ष २१ प्रतिशत बढी अर्थात् रू. ९७ अर्ब ३६ करोड ३३ लाखभन्दा बढी निक्षेप संकलन गरेको छ भने करीब २२ प्रतिशत बढी अर्थात् रू. ९० अर्ब ९८ करोड ६० लाखभन्दा बढी कर्जा प्रवाह गरेको छ ।

गत वर्ष १ दशमलव २० प्रतिशत रहेको निष्क्रिय कर्जा यस वर्ष १ दशमलव ७८ कायम भएको छ । कम्पनीको प्रतिशेयर आम्दानी रू. १४ दशमलव ८१ र प्रतिशेयर नेटवर्थ रू. १३६ दशमलव ७६ छ ।
 

प्रतिक्रिया [0]
प्रतिक्रिया दिनुहोस्