ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

क्षतिपूर्तिको माग गर्दै बैतडीका कृषक पुगे कृषि ज्ञानकेन्द्र

२०७७ बैशाख, ३०  
सुदूरपश्चिम प्रदेश
Image Not Found
author avatar मोेहन चन्द

वैशाख, ३० बैतडी । बैतडीका कृषकहरु क्षतिपूर्ति माग गर्दै कृषि ज्ञानकेन्द्रमा पुगेका छन् । दिनदिनै परेको असिना पानीले आफूहरुले लगाएको तरकारी लगायत अन्नबाली नष्ट गरेको भन्दै क्षतिपूर्ती माग गर्न उनीहरु ज्ञानकेन्द्रमा पुगेका हुन् ।

गहुँबाली पाकेर थनक्याउने समयमा असिनाले नष्ट गरेपछि केहि राहत पाईने आशामा कृषिज्ञान केन्द्रमा आएको दसरथचन्द नगरपालिका ४ का कृषक जयन्ती कार्कीले बताइन् । 

‘यस वर्ष अरु वर्षका भन्दा राम्रा गहुँ थिए । असिनाले नष्ट गर्‍यो अब के खाने । केहि क्षतिपूर्ति पाईन्छकी भनेर आएका हौँ’ उनले भनिन् ।

बर्खे तरकारी फल्ने समयमा असिनाले नष्ट गरेपछि तरकारी विक्रि गरेर घरधन्दा चलाउने किसान झनै मार्कामा परेका छन् । आफूहरुको पेसा तरकारी फलाउने र विक्रि गर्ने मात्र भएकाले यस वर्ष फल्नलागेको तरकारी असिनाले नष्ट गरेपछि आफ्नो पेसा चौपट भएको किसान वसन्ती कार्कीले बताए । ‘एक सिजनमा दुई लाखको तरकारी विक्री गर्छौ अहिले त बरबाद भयो’ उनले भनिन् । असिनाले यी कृषकजस्तै जिल्लाका अरु कृषकको पनि यहि अवस्था बनाएको छ ।

जिल्लाका सबै स्थानियतहको डाटा हेर्दा सतप्रतिशत अन्नबाली र तरकारी नष्ट भएको कृषि ज्ञान केन्द्र बैतडीका प्रमुख कर्ण बहादुर चन्दले बताए । ‘अहिले ज्ञानकेन्द्रबाट केहि क्षतिपूर्ती दिन सकिदैन् । क्षतिको सबै डाटा मन्त्रालयमा पठाएका छौँ’ प्रमुख चन्दले भने । 

दसरथचन्द नगरपालिका, पूर्चौडी नगरपालिका, डिलासैनी गाउँपालिका र सुर्नया गाउँपालिकामा अरु स्थानियतह भन्दा बढि क्षती भएको कृषि ज्ञान केन्द्र बैतडीको तथ्यांकमा छ । 

जिल्लामा खपत भएर बाकी रहेको पाँच मेट्रिक टन तरकारी बाहिर विक्री हुने र गहँु ३२ मेट्रिक टन उत्पादन हुने कृषि ज्ञान केन्द्र बैतडीले जानकारी दिएको छ । आफूहरुलाई बालीबीमा सम्बन्धि जानकारी नभएकाले कुनै पनि बालिको बीमा नगरेको कृषकले बताए । बालीबीमा नगरेकाले अहिले कृषकहरुले ठुलोक्षति व्यहोर्नु परेको हो ।

प्रतिक्रिया [0]
प्रतिक्रिया दिनुहोस्