ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

सिद्धार्थ बैंकको नाफा १५ प्रतिशत घट्यो

२०७७ बैशाख, ३०  
लगानी
Image Not Found

वैशाख ३०, काठमाडौं । चालू आवको तेस्रो त्रैमासमा सिद्धार्थ बैंकको नाफा १५ प्रतिशत घटेको छ । कम्पनीले मंगलवार प्रकाशित वित्तीय विवरणले यस्तो देखाएको हो । 

कम्पनीले गत आवको तेस्रो त्रैमासमा रू. १ अर्ब ५९ करोड नाफा कमाएकोमा चालू आवको तेस्रो त्रैमासमा रू. १ अर्ब ३३ करोडमा सीमित भएको छ । तेस्रो त्रैमासमा कम्पनीको सञ्चालन नाफा १२ प्रतिशतले घटेकाले नाफा घटेको हो । 

सोही अवधिमा खुद ब्याज आम्दानी भने २२ दशमलव ७९ प्रतिशतले वृद्धि भएको छ । गत आवको तेस्रो त्रैमासमा कम्पनीले रू. ३ अर्ब ४० करोड खुद ब्याज आम्दानी गरेकोमा चालू आवको तेस्रो त्रैमासमा रू. ४ अर्ब १८ करोड आम्दानी गरेको छ । तेस्रो त्रैमासमा कम्पनीको वितरणयोग्य नाफा रू. १५ करोड ३२ लाख ऋणात्मक रहेको छ । 

चुक्तापूँजी रू. ९ अर्ब ७८ करोड भएको कम्पनीले जगेडा कोषमा रू. ४ अर्ब ८२ करोड सञ्चित रहेको छ । तेस्रो त्रैमाससम्ममा कम्पनीले रू. १ खर्ब ३० अर्ब निक्षेप संकलन गरेको छ भने रू. १ खर्ब २४ अर्ब कर्जा प्रवाह गरेको हो ।

प्रतिशेयर आम्दानी रू. १८ दशमलव ९१, मूल्य आम्दानी अनुपात १५ दशमलव २८, तरलता अनुपात २० दशमलव ४२ प्रतिशत र प्रतिशेयर नेटवर्थ रू. १५३ दशमलव ४४ रहेको छ  ।

प्रतिक्रिया [0]
प्रतिक्रिया दिनुहोस्