ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

५०औं  दिनमा खुलेको शेयर बजार एक घण्टामै २१.९३ अंकले घट्यो

२०७७ बैशाख, ३०  
लगानी
Image Not Found
author avatar अभियान संवाददाता

वैशाख ३०, काठमाडौं । विद्युतीय माध्यमबाट कारोबार गराउने गरी ५० दिनमा खुलेको शेयर बजार एक घण्टामै २१ दशमलव ९३ अंकले घटेर १ हजार २२९ दशमलव ५२ विन्दुमा झरेको छ । यस दिन नेप्से परिसूचक १ दशमलव ६९ प्रतिशत घटेको हो । एक घण्टाको अवधिमा कारोबारमा आएका १० ओटै समूहको परिसूचक घटेको छ । 

यस दिन एक घण्टाको अवधिमा १६७ कम्पनीको ६७ पटकको व्यापारमा रू. १० करोड २७ लाख ५९ हजार बराबरको ९९ हजार ३७४ कित्ता शेयर कारोबार भएको छ । यस अवधिसमम नागरिक लगानी कोषको सबैभन्दा बढी शेयर कारोबार भएको छ । नागरिक लगानी कोषको प्रतिशेयर रू. २ हजार ३६७ मा रू. ८ करोड ८८ लाख ५७ हजार बराबरको शेयर कारोबार भएको छ ।  

यस अघि चैत ९ गतेको अन्तिम शेयर कारोबारमा नेप्से परिसूचक १ हजार २५१ दशमलव ४५ विन्दुमा थियो । 

यस दिन अघिल्लो दिनभन्दा नेप्से परिसूचक १८ दशमलव २० अंकले घटेको थियो । १२३ कम्पनीको शेयर कारोबार भएको यस दिन रू. १९ करोड ४६ करोड ४२ लाख बराबरको कारोबार भएको थियो । 

यस दिनको बजार पूँजीकरण रू. १६ खर्ब १९ करोडभन्दा बढी थियो । उक्त दिन नेप्से सेन्सेटिभ इन्डेक्स २७१ दशमलव शून्य ६ विन्दुमा थियो । यस दिन सेन्सेटिभ इन्डेक्स पनि २ दशमलव ७६ अंकले घटेको थियो ।

लकडाउनका विच कारोबार सुचारू गर्न लागेको नेप्सेले कारोबारमा आउन सक्ने सम्भावित गुनासाहरु समाधानका लागि हेल्प डेक्सको स्थापना गरेको छ । कारोबारका क्रममा कुनै पनि समस्या आएमा टोल फ्रि नम्बर १६६००१२५०२५ मा सम्पर्क गर्न नेप्सेले भनेको छ ।

दैनिक विहान ११ बजेदेखि दिनको १ बजेसम्म जम्मा दुई घण्टा कारोबार हुने गरी बजार खुला भएको हो । 

प्रतिक्रिया [0]
प्रतिक्रिया दिनुहोस्