ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

कोरोनाको असरले सवैभन्दा कम आर्थिक वृद्धि बाग्मती प्रदेशमा

२०७७ बैशाख, ३०  
समाचार
NA
author avatar अभियान संवाददाता

वैशाख ३०, काठमाडौं । केन्द्रीय तथ्यांक विभागले मंगलवार सार्वजनिक गरेको प्रदेशस्तरीय आर्थिक वृद्धिको प्रक्षेपणमा सबैभन्दा कम वृद्धि बाग्मती प्रदेशको हुने देखिएको छ ।

विभागले जारी  गरेको प्रतिवेदनमा सुदूरपश्चिमको आर्थिक वृद्धिदर सबैभन्दा बढी ४ दशमलव शून्य ८ प्रतिशत हुने छ भने बाग्मती प्रदेशको वृद्धिदर सबैभन्दा कम  अर्थात १ दशमलव २३ प्रतिशत रहने उल्लेख छ ।

साथै प्रतिवेदनमा प्रदेश नं १को ३ दशमलव ४१ प्रतिशत, प्रदेश न) २ को २ दशमलव २८ प्रतिशत, गण्डकी प्रदेशको २ दशमलव ६८ प्रतिशत, प्रदेश नं ५को २ प्रतिशत र कर्णाली प्रदेशको ३ दशमलव ५६ प्रतिशतले आर्थिक वृद्धि हुने प्रक्षेपण  गरिएको छ ।

प्रतिवेदनमा चालू आर्थिक वर्ष आर्थिक विकासका दृष्टिकोणले अपेक्षित रुपमा उत्साहजनक देखिएन भन्दै कोभिड–१९ ले विश्वव्यापी सामाजिक र आर्थिक क्रियाकलापमा पारेको नकारात्मक प्रभावलाई हेर्ने हो भने यस वर्षको राष्ट्रिय कुल ग्राहस्थ उत्पादनको आर्थिक वृद्धि दरको अनुमान उपभोक्ताको मूल्यमा २ दशमलव २८प्रतिशत हुनु सन्तोष जनक  मान्नुपर्ने हुन्छ भनिएको छ । गत आवको आर्थिक वृद्धिदर भने ६ दशमलव ९९ प्रतिशत थियो । 

यसैगरी प्रतिवेदनमा राष्ट्रिय कुल ग्राहस्थ उत्पादन उपभोक्ताको मूल्यमा रू.३७ खर्ब ६७ अर्ब  अनुमान गरिएकोमध्ये सबैभन्दा बढी हिस्सा ३५ दशमलव ८४ प्रतिशत योगदान बाग्मती प्रदेशको हुने उल्लेख छ । बाग्मतीको कुल ग्राहस्थ उत्पादन उपभोक्ताको मूल्यमा रू.१३ खर्ब ५० अर्ब हुने अनुमान विभागले गरेको छ ।

 


त्यस्तै विभागले मुलुकको कुल ग्राहस्थ उत्पादनमा प्रदेश नं १को १५ दशमलव ८२ प्रतिशत, प्रदेश नं २ को १३  दशमलव ७८ प्रतिशत, गण्डकी प्रदेशको ८ दशमलव ९० प्रतिशत, प्रदेश नं ५को १४  दशमलव १८ प्रतिशत, कर्णाली प्रदेशको ४ दशमलव २७ प्रतिशत र सुदूरपश्चिम प्रदेशको ७ दशमलव २१ प्रतिशत हिस्सा हुने अनुमान गरेको छ ।

चालू आव २०७६/ ०७७ को ६ देखि ८ महीना सम्मका आर्थिक क्षेत्रहरुसँग सम्वन्धित् आंकडा तथा सूचनाहरुका आधारमा तयार गरएकाो अनुमानित  तथ्यांक अनुसार  सवै प्रदेशको आर्थिक क्रियाकलापहरुमा कोभिड–१९को महामारीको संक्रमणबाट जोगाउन गरिएको प्रयासको असर  स्पष्ट रुपमा परेको देखिएको तथा सोही परिणामस्वरुप चालू आवमा सवै प्रदेशको ग्राहस्थ  उत्पादनको वृद्धिदर गत आवको वृद्धिदरभन्दा घट्ने अनुमान गरिएको भनिएको छ ।
 

प्रतिक्रिया [0]
प्रतिक्रिया दिनुहोस्