ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

चीनद्वारा बिगु गाउँपालिकालाई सहयोग हस्तान्तरण

२०७७ बैशाख, ३०  
वाग्मती प्रदेश
NA
author avatar अभियान संवाददाता

वैशाख ३०, दोलखा । चीनले दोलखाको बिगु गाउँपालिकाका स्थानीयलाई खाद्य सामग्री तथा स्वास्थ्य सामग्री हस्तान्तरण गरेको छ । शनिवार चीनले सिन्धुपाल्चोकको मितेरी पूलमा उक्त सामग्री हस्तान्तरण गरेको हो ।

चिनियाँ टोलीले गाउँपालिकालाई चामल मैदा, तेल, चिनी लगायत खाद्य सामग्री तथा स्वास्थ्य सामग्री हस्तान्तरण गरेको र उक्त सामग्री भन्सारबाट छुट्याउन गाउँपालिकाले पत्राचार गरेको गाउँपालिकाका अध्यक्ष युधिष्ठिर खड्काले बताए ।

चिनियाँ टोलीले ४ लाख ७४ हजार ९ सय चिनियाँ युआन बराबरको खाद्य सामग्री तातोपानी भन्सारसम्म ल्याई गाउँपालिकालाई हस्तान्तरण गरेको हो । चीनले उपलब्ध गराएका सामग्रीमा २२ टन चामल, साढे १२ टन मैदा, साढे ४ टन खाने तेल, ४ दशमलव ८ टन चिनी, २ दशमलव १६ टन पाउडर दूध, ४ टन चियापत्ती र साढे १२ टन नून रहेको गाउँपालिकाले बताएको छ ।

यसैगरी करीब साढे ४ लाख युआन बराबरको स्वास्थ्य सामग्री समेत चिनियाँ टोलीले उपलब्ध गराएको छ । स्वास्थ्य सामग्री अन्तर्गत पीपीई ११ सय थान, एन्फ्रारेड थर्मल गन ११० थान, एन–९५ मास्क १२०० थान, मेडिकल मास्क १ लाख २० हजार थान, आरडीटी किट १२०० थान रहेको अध्यक्ष खड्काले बताए ।

चीनले आफूसँग सिमाना जोडिएका नेपालका विभिन्न स्थानीय तहलाई सहयोग वितरण गर्ने क्रममा चीनसँग सीमा जोरिएको दोलखाको बिगु गाउँपालिकालाई सहयोग गरेको हो । 
 

प्रतिक्रिया [0]
प्रतिक्रिया दिनुहोस्