ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

राष्ट्रिय दादुरा–रुबेला अभियान २०७६/७७ : एनसेल, स्वास्थ्य मन्त्रालय र युनिसेफको सहकार्य 

२०७६ फागुन, २  
समाचार
Image Not Found
author avatar अभियान संवाददाता

काठमाडौं । एनसेलले स्वास्थ्य तथा जनसंख्या मन्त्रालय र युनिसेफसँग सहकार्य गर्दै सरकारको राष्ट्रिय दादुरा–रुबेला अभियान २०७६÷७७ मा सघाउने भएको छ । यस खोप अभियान अन्तर्गत सरकारले ९ महीनादेखि ५ वर्षसम्मका करीब ३० लाख बालबालिकालाई दादुरा–रुबेला खोप लगाउने लक्ष्य राखेको छ । 

स्वास्थ्य तथा जनसंख्या मन्त्रालय, स्वास्थ्य सेवा विभाग अन्तर्गतको परिवार कल्याण महाशाखाले यो अभियान २ चरणमा लागू गर्दै छ । पहिलो चरण अन्तर्गत फागुन १ देखि ३० सम्म प्रदेश नं १, २ र ५ का बालबालिकालाई खोप लगाइनेछ । त्यसैगरी, दोस्रो चरण अन्तर्गत चैत्र १ देखि ३० सम्म बागमती, गण्डकी, कर्णाली र सुदूरपश्चिमका बालबालिकालाई खोप लगाइनेछ ।

एनसेलका प्रमुख कार्यकारी अधिकृत एण्डी चोङले राष्ट्रिय प्राथमिकतामा रहेको दादुरा–रुबेला खोप अभियान अन्तर्गत खोपको महŒवबारे जनचेतना अभिवृद्धि गर्न स्वास्थ्य तथा जनसंख्या मन्त्रालयसँग सहकार्य गर्न पाएकोमा हर्षित भएको बताए । ‘हाम्रो सामाजिक जिम्मेवारी कार्यक्रम अन्तर्गत स्वास्थ्य क्षेत्र हाम्रो प्रमुख प्राथमिकतामा छ,’ उनले भने, ‘एक अग्रणी जिम्मेवार कर्पोरेट नागरिकको रूपमा हामीलाई यस किसिमको राष्ट्रिय अभियानमा सहकार्य गर्ने अवसर दिएकोमा निकै नै गौरवान्वित छौं ।’

सरकारसँग एनसेलको यस सहकार्यले बालबालिकाको जीवन रक्षासँगै सन् २०२३ सम्ममा दादुरा–रुबेला निवारण गर्ने नेपाल सरकार र विश्व स्वास्थ्य संगठनको लक्ष्यमा योगदान पुर्‍याउनेछ । एनसेलले आफ्नो व्यावसायिक सामाजिक जिम्मेवारी अन्तर्गत जनसचेतना अभिवृद्धि गर्न स्वास्थ्य मन्त्रालय र राष्ट्रिय स्वास्थ्य शिक्षा तथा सञ्चार केन्द्रसँग २०७६ असोज १३ मा समझदारीपत्रमा हस्ताक्षर गरेको थियो । यही समझदारी अनुसार एनसेलले युनिसेफ तथा साझेदारको प्राविधिक सहयोगमा राष्ट्रिय दादुरा रुबेलाखोप अभियानको लागि जनसचेतना अभिवृद्धि गर्न सरकारलाई सहयोग गरेको हो । यसअघि एनसेलले डेंगुबारे जनसचेतनाका लागि सहयोग गरेको थियो ।

प्रतिक्रिया [0]
प्रतिक्रिया दिनुहोस्