ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

टोयोटाको मुनाफा ८० प्रतिशत घट्ने अनुमान 

२०७७ बैशाख, ३०  
अन्तरराष्ट्रिय
Image Not Found

वैशाख ३०, टोकियो (जापान) । जापानी अटो निर्माता कम्पनी टोयोटाको मुनाफा यस वर्ष ८० प्रतिशत घट्ने अपेक्षा गरिएको छ । 

कोरोना भाइरसको महामारीका कारण विक्री घटेको औल्याउँदै कम्पनीले यस्तो बताएको हो । टोयोटाले मंगलवार गरेको प्रक्षेपणअनुसार सन् २०२१ को मार्चमा सकिने चालू आर्थिक वर्षमा कम्पनीको सञ्चालन मुनाफा ५ खर्ब येन (४ अर्ब ६६ करोड डलर) रहने अनुमान छ । 

यो गत आवको तुलनामा ८० प्रतिशत कम हुनेछ । गत आवमा भने कम्पनीको सञ्चालन मुनाफा २४ खर्ब ४० अर्ब येन थियो । यो आर्थिक वर्ष २०१२ यताकै न्यून हुनेछ । यस अवधिमा विश्व बजारमा कम्पनीले ८९ लाख थान मात्रै कार बेच्ने अनुमान गरिएको छ । 

यो पनि नौं वर्षकै कम हुनेछ । गत वर्ष भने कम्पनीले विश्वभर १ करोड ४ लाख ६० हजार थान कार बेचेको थियो । आगामी वर्ष भने विक्री सुध्रिएर सन् २०१९ कै स्तरमा आउने कम्पनीको अपेक्षा छ । 

कोरोना भाइरसको प्रभावसम्बन्धी अनिश्चयतर्फ औंल्याउँदै होन्डा मोटर, जनरल मोटर्स लगायत बहुराष्ट्रिय कम्पनीहरुले यस वर्षको आर्थिक अवस्थाबारे बताउन नखोजेकै बेलामा टोयोटाको प्रक्षेपण सार्वजनिक भएको हो । एजेन्सी 

प्रतिक्रिया [0]
प्रतिक्रिया दिनुहोस्