ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

दोस्रो चरणको संक्रमण भयबीच काममा फर्किदै अमेरिकी अटो वर्कर्स

२०७७ बैशाख, ३०  
अन्तरराष्ट्रिय
Image Not Found

वैशाख ३०, वाशिङ्टन डीसी (अमेरिका) । अमेरिकी अटो क्षेत्रका केही कामदारहरु काममा फर्किन थालेका छन् । देशभर कठोर लकडाउनमा खुकुलो बनाउन थालेसँगै कोरोना भाइरसको दोस्रो चरणको संक्रमणको शुरु हुने भय बढिरहेको भएपनि मिशिगनका केही अटो सप्लायर्सहरुले सोमवार प्लान्ट खोलेका छन् । 

त्यहाँका एसेम्ब्ली लाइनमा आगामी हप्तादेखि सवारी साधनको उत्पादन सुचारु हुँदैछ । विशेष सिप भएका दक्ष कर्मचारी र तलबभोगी कर्मचारीहरु देशव्यापी रुपमा काम सुचारु गर्न अटो एसेम्बली प्लानटमा आउन थालेका छन् । आगामी हप्तादेखि अर्डर आउन थाल्ने अनुमानमा कारखानाहरु खोल्न थालिएको बताइएको छ । 

कर्मचारीहरुलाई मास्क बाडिनेछ । नियमित रुपमा ज्वरो जाँचिने र स्वास्थ्य स्क्रिनिङसम्बन्धी प्रश्नावली भर्न लगाइने समेत बताइएको छ । तर महामारीबीच मानिसहरुले कार किन्लान् त भन्ने प्रश्नले आफूहरुलाई सताइरहेको इन्जिनियरिङ, काष्टिङ र मशिनिङ कम्पनी बुश पर्फमेन्स गु्रपका प्रमुख कार्यकारी जो पर्किन्स बताउँछन् । 

जनरल मोटर्स, फोर्ड र फियाट क्राइश्लर अटोमोबाइल्सले पनि गत हप्ता मे १८ देखि उत्तर अमेरिकी प्लान्टमा उत्पादन शुरु गर्ने बताएका थिए । विद्युतीय कार निर्माता कम्पनी टेस्लाले भने स्थानीय स्वास्थ्य अधिकारीहरुको आदेश अस्वीकार गर्दै सन फ्रान्सिस्को बाहिर कारखाना सुचारु गरेको छ । 

क्यालिफोनिर्याका गभर्नरले कम्पनीलाई उत्पादन शुरु गर्न शुक्रवार अनुमति दिएको भएपनि अलामेडा काउन्टीले भने सो अनुमति खारेज गरेको थियो । तर सो को वेवास्ता गर्दै कम्पनीले उत्पादन शुरु गरेको सोमवार एक ट्विटमा टेस्लाका सीईओ एलन मस्कले बताएका छन् । एजेन्सी

प्रतिक्रिया [0]
प्रतिक्रिया दिनुहोस्