ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

बढ्यो तेलको भाउ 

२०७७ बैशाख, ३०  
अन्तरराष्ट्रिय
Image Not Found

वैशाख ३०, लन्डन (बेलायत) । अन्तरराष्ट्रिय बजारमा कच्चा तेलको भाउ बढेको छ । साउदी अरबले अत्यधिक आपूर्ति सोस्न जुनमा उत्पादन कटौती बढाउने बताएपछि मंगलवार तेलको भाउले टेवा पाएको हो । 

लन्डनस्थित आईसीई फयूचर्सको कोमेक्स डिभिजनमा उक्त दिन ब्रेन्ट क्रुडको भाउ प्रतिब्यारेल २ दशमलव ६ प्रतिशतले बढेर ३० डलर ४१ सेन्टमा पुगेको थियो । 

न्यूयोर्क मर्कन्टाइल एक्सचेञ्जको कोमेक्स डिभिजनमा वेष्ट टेक्सास इन्टरमिडियट (डब्ल्यूटीआई)को भाउ पनि १ दशमलव २२ प्रतिशतले बढेर प्रतिब्यारेल २५ डलर ३६ सेन्टमा पुगेको थियो । 

यो सामाचार तयार पार्दाखेरि नेपाली समयअनुसार राति ८ः३० बजे भने ब्रेन्ट क्रुड प्रतिब्यारेल २७ डलर ९७ सेन्टमा आएको थियो । सोही समय डब्ल्यूटीआईको भाउ पनि २५ डलर ९५ सेन्ट कायम भएको थियो । 

साउदी अरबले सोमवार विद्यमान उत्पादन कटौतीमा जुनमा दैनिक १० लाख ब्यारेल थप्ने बताएको थियो । योसँगै साउदीको कुल कटौती दैनिक ७५ लाख ब्यारेलमा पुगेको छ । 

संयुक्त अरब इमिरेट्स (यूएई) र कुवेतले पनि दैनिक अतिरिक्त १ लाख ८० हजार ब्यारेल तेल कटौती गर्ने बताएका छन् । उत्पादन कटौती बजारमा सन्तुलन ल्याउन पर्याप्त नहुने चिन्तामा सोमवार भने दुवै बेञ्चमार्कको भाउ घटेका थिए । एजेन्सी

प्रतिक्रिया [0]
प्रतिक्रिया दिनुहोस्