ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

८ हजार परिवारले पाए राहत

२०७७ बैशाख, ३१  
वाग्मती प्रदेश
NA

सिन्धुली (अस)  । देशमा लकडाउन घोषणा भएयता सिन्धुलीका ७ हजार ९८४ परिवारले राहत पाएका छन् । जिल्लाका तीनओटा पालिकाले हालसम्म उक्त संख्याका घरपरिवारलाई राहत वितरण गरेका हुन् ।

लकडाउन यता जिल्लाका कमलामाई नगरपालिकाले १ हजार ७२२ परिवार, दुधौली नगरपालिकाले ३ हजार ७६१ परिवार र गोलञ्जोर गाउँपालिकाले २ हजार ५०१ परिवारलाई राहत बाँडेको जिल्ला विपद् व्यवस्थापन समितिले बताएको छ । दैनिक ज्याला मजदूरी गरी खाने वर्गलाई नेपाल सरकारले लकडाउनको घोषणा गरेसँगै खान समस्या परेपछि स्थानीय सरकारले राहत वितरण गरेका हुन् । स्थानीय सरकारले वडा कार्यालयले संकलन गरेको तथ्यांकको आधारमा राहत वितरण गरेका हुन् । जिल्लाको फिक्कल गाउँपालिकाले ३९ घरपरिवारलाई राहत बाँडेको भए पनि त्यसको विवरण प्राप्त भइनसकेको जिल्ला प्रशासन कार्यालयले बताएको छ । केही गाउँपालिकाले राहतका लागि खाद्यान्न तथा अन्य दैनिक उपभोग्य सामग्री खरीद प्रक्रिया अगाडि बढाएका छन् । सुनकोशी गाउँपालिकाले भने श्रममा आधारित राहत वितरण गर्ने निर्णय गरेको छ ।

सिन्धुलीबाट रोजगारीका लागि विदेश गएका २०७ जना लकडाउन अवधिमा फर्किएर आएको जिल्ला प्रशासन कार्यालयले बताएको छ । चैत ११ गते जिल्लामा भारतबाट १०६ जना र तेस्रो मुलुकबाट १०१ जना आएका हुन् । स्वास्थ्य परीक्षण गरी उनीहरूलाई क्वारेन्टाइनमा राखिएकोमा सबैको अवस्थामा सामान्य रहेको
बताइएको छ ।

प्रतिक्रिया [0]
प्रतिक्रिया दिनुहोस्