ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

चीनद्वारा बिगु गाउँपालिकालाई सहयोग हस्तान्तरण

२०७७ बैशाख, ३१  
वाग्मती प्रदेश
NA

दोलखा (अस) । चीनले दोलखाको बिगु गाउँपालिकाका स्थानीयलाई खाद्य तथा स्वास्थ्य सामग्री हस्तान्तरण गरेको छ । शनिवार चीनले सिन्धुपाल्चोकको मितेरी पूलमा उक्त सामग्री हस्तान्तरण गरेको हो । चीनले आफूसँग सिमाना जोडिएका नेपालका विभिन्न स्थानीय तहलाई सहयोग वितरण गर्ने क्रममा चीनसँग सीमा जोडिएको बिगु गाउँपालिकालाई पनि सहयोग गरेको हो ।

चिनियाँ टोलीले गाउँपालिकालाई चामल, मैदा, तेल, चिनी लगायत खाद्य सामग्रीसहित स्वास्थ्य सामग्री हस्तान्तरण गरेको हो । उक्त सामग्री भन्सारबाट छुटाउन गाउँपालिकाले पत्राचार गरेको गाउँपालिकाका अध्यक्ष युधिष्ठिर खड्काले बताए । चिनियाँ टोलीले ४ लाख ७४ हजार ९०० चिनियाँ युआन बराबरको खाद्य सामग्री तातोपानी भन्सारसम्म ल्याई गाउँपालिकालाई हस्तान्तरण गरेको हो । चीनले उपलब्ध गराएका सामग्रीमा २२ टन चामल, साढे १२ टन मैदा, साढे ४ टन खाने तेल, ४ दशमलव ८ टन चिनी, २ दशमलव १६ टन पाउडर दूध, ४ टन चियापत्ती र साढे १२ टन नुन रहेको गाउँपालिकाले बताएको छ ।

 

 

प्रतिक्रिया [0]
प्रतिक्रिया दिनुहोस्