ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

५० प्रतिशत योजना कटौती गर्दै धरान उपमहानगरपालिका

२०७७ बैशाख, ३१  
प्रदेश ०१
NA

धरान (अस) । आन्तरिक आम्दानीमा कमी आएसँगै धरान उपमहानगरपालिकाले ५० प्रतिशतभन्दा बढी योजना कटौती गर्ने भएकोे छ । कोरोनाको संक्रमितको संख्या बढ्दै गएको अवस्थामा सरकारले घोषणा गरेको लडाउन पनि लम्बिँदै गएपछि आन्तरिक राजस्व संकलनमा कमी आएकाले उपमहानगरले आधाभन्दा बढी योजना कटौती गर्ने भएको हो ।  

राजस्व संकलनमा कमी र प्रदेश सरकारबाट आउने ३० करोड रुपैयाँ बजेट समेत नआउने निश्चित भएपछि उपमहानगरले आफ्ना कुल योजनामध्ये ५० प्रतिशत बढी वडा तथा नगर स्तरीय योजना कटौती गर्न लागेको धरान उपमहानगरपालिकाका प्रमुख तिलक राईले बताए ।

उनका अनुसार शुरू नभएको नगर गौरवका योजना र वडाका योजनाहरू कटौती, सम्झौता नभएका योजनाको सम्झौता नगर्ने, भर्खर मात्र शुरू भएका तर पूरा नभएका योजना कार्यान्वयन नगर्ने र जुन योजनाहरू ८० प्रतिशत काम भइसकेको छ, तिनीहरू मात्र अघि बढने भएका छन् । ‘विदेशबाट र विभिन्न संघसंस्थाबाट भएको सहयोग २० देखि २५ प्रतिशत मात्र राहतमा सहयोग भएको छ । बाँकी ७५ प्रतिशत बजेट उपमहानगरकै बजेटबाट व्यवस्थापन गर्नुपरेको छ,’ उनले भने, ‘राहत सहयोगमा खर्च भएको रकम कुनै न कुनै योजना, भौतिक पूर्वाधार, चालू बजेटबाटै कटौती गर्नुपर्ने स्थिती रहेको छ ।’

 

 

प्रतिक्रिया [0]
प्रतिक्रिया दिनुहोस्