ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

नेकपा स्थायी समितिको बैठक आज बस्दै

२०७७ बैशाख, ३१  
समाचार
NA

काठमाडौं (अस) । लामो सयमको आन्तरिक खिचातानीका बीच सत्तारूढ नेपाल कम्युनिस्ट पार्टी (नेकपा) स्थायी समितिको बैठक आज (बुधवार) बस्ने भएको छ । पार्टी कार्यालय धुम्बाराहीमा बिहान ११ बजे बैठक बस्ने भएको हो ।

यसअघि वैशाख २५ गते बस्ने तय भएको बैठक अध्यक्ष तथा प्रधानमन्त्री केपी शर्मा ओली र अन्य नेताहरूबीच सहमति जुट्न नसक्दा स्थगित भएको थियो । सचिवालय बैठकबाट प्रधानमन्त्री तथा पार्टी अध्यक्ष बाहिरिएपछि बैठक विनानिष्कर्ष सकिएको थियो ।

सरकारले वैशाख ८ गते राजनीतिक दल सम्बन्धी (दोस्रो संशोधन) अध्यादेश २०७७ र संवैधानिक परिषद् (काम, कर्तव्य, अधिकार र कार्यविधि) सम्बन्धी पहिलो संशोधन अध्यादेश, २०७७ जारी गरे पनि पार्टीभित्रको विवाद सतहमा आएको थियो । आफ्नै दल र प्रतिपक्षबाट समेत विरोध भएपछि सरकारले ५ दिनपछि दुवै अध्यादेश फिर्ता लिएको थियो । नेकपा नेता खिमलाल भट्टराईका अनुसार बुधवारको बैठकमा सरकारको आगामी नति तथा कार्यक्रम र बजेटका विषयमा छलफल हुनेछ ।

प्रतिक्रिया [0]
प्रतिक्रिया दिनुहोस्