ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

प्रदेश २ मा २९ नयाँ संक्रमित थपिए, कुल संख्या ३ हजार नाघ्यो

२०७७ असार, १४  
प्रदेश ०२
Image Not Found

असार १४, धनुषा । प्रदेश नं २ मा पछिल्लो २४ घण्टामा धनुषा, महोत्तरी तथा पर्सामा गरेर कुल २९ जनामा कोरोना संक्रमण भेटिएको छ । 

प्रादेशिक प्रयोगशाला जनकपुरधाम तथा नारायणी उपक्षेत्रीय अस्पताल वीरगञ्जको प्रयोगशालामा गरिएको परीक्षणमा धनुषामा तीन जना, महोत्तरीमा २४ जना तथा पर्सा जिल्लामा दुई जनामा संक्रमण भएको सामाजिक विकास मन्त्रालयका सचिव डा रामप्रसाद घिमिरेले जानकारी दिए ।

धनुषाको गणेशमान चारनाथ नगरपालिकाको क्वारेन्टाइनमा १९, २२ र ३५ वर्षका पुरुषमा कोरोना संक्रमणको पुष्टि भएको छ । यसैगरी, महोत्तरीको सम्सी नगरपालिकामा १४ वर्ष देखि ३३ वर्षका चार जना पुरुष, औरही नगरपालिकाको क्वारेन्टाइनमा एक वर्षकी एक बालिका र एकै वर्षका अर्का एक बालकसहित ३९ देखि ४५ वर्षका १० जना तथा लोहपट्टी नगरपालिकामा २० वर्षदेखि ३८ वर्षसम्मका १० जना पुरुषमा संक्रमण भएको सामाजिक विकास मन्त्रालयले जानकारी दिएको छ ।

यसैगरी, पर्साको कामु प्यालेस होटलमा ३२ वर्षका पुरुष तथा ३२ वर्षका महिलामा कोरोना पुष्टि भएको मन्त्रालयका सचिव डा घिमिरेले जानकारी दिए । यो सँगै प्रदेशमा संक्रमित हुनेको संख्या तीन हजार ३१९ जना पुगेको छ । 

जसमा २०० महिला तथा तीन हजार ११९ जना पुरुष रहेका छन् । पछिल्लो पटक संक्रमितबाट घर परिवारमा पनि सरेकाले बालबालिकामा संक्रमण बढ्दै गएको स्वास्थ्य निर्देशनालयका उपनिर्देशक विजयकुमार झाले जानकारी दिए । संक्रमितहरु घर परिवारको सम्पर्कमा आउनु चिन्ताको विषय भएको उनले बताए । 

प्रदेश नंं २ को विभिन्न आइसोलेशन सेन्टरहरुमा उपचारमा रहेका २४ जना कोरोनाका बिरामीहरु संक्रमण मुक्त भएका छन् । हालसम्म संक्रमण मुक्त हुनेको संख्या एक हजार ४१५ पुगेको सामाजिक विकास मन्त्रालयले जानकारी दिएको छ । रासस 

प्रतिक्रिया [0]
प्रतिक्रिया दिनुहोस्