ई –पेपर | विज्ञापन | ग्राहक बन्नुहोस | Podcast
arthik abhiyan
Real Dabur NepalApache RTR 200 ABS

चुनाव रोक्ने निर्णयप्रति महासंघभित्र तीव्र असन्तुष्टि

महासंघ म्याद सकिएको औषधी जस्तो : ढकाल

२०७७ सावन, ९  
समाचार
Image Not Found
author avatar टीपी भुसाल

साउन ९, काठमाडौं । नेपाल उद्योग वाणिज्य महासंघका उपाध्यक्ष चन्द्रप्रसाद ढकालले नेपाल उद्योग वाणिज्य महासंघ म्याद सकिएको औषधी जस्तो भएको आरोप लगाएका छन् । 

बिहीवार महासंघको पदाधिकारी र पूर्व अध्यक्षसहितको बैठकले बहुमतबाट महासंघको निर्वाचन स्थगित गर्ने निर्णय भएपछि वरिष्ठ उपाध्यक्षका उम्मेदवारसमेत रहेका ढकालले शुक्रवार पत्रकार सम्मेलन गर्दै उनले स्वास्थ्य सुरक्षाको कुरा उठाउँदै नतृत्वले निर्वाचनलाई अनिश्चित बनाएको बताए । 

अर्को समूहले स्वास्थ्य भन्दा निर्वाचन ठूलो नहुने र सरकारले सभा सम्मेलनका खुला गर्ने निर्णय गरेको १५ दिनभित्रै साधारण सभा गर्ने निर्णय गरेपछि चुनाव रोक्ने निर्णय प्रति महासंघको अर्को समूह असन्तुष्ट बनेको हो । गत चैतमा हुनुपर्ने साधारण सभा लकडाउनको कारण हुन नसकेपछि साउन २६ र २७ गतेका लागि तोकिएको थियो । 

स्वास्थ्य सम्बन्धी मापदण्डहरु लागू गरेर निर्वाचनको लागि सरकारसँग अनुमति माग गरेको अवस्थामा सरकारको जवाफ पनि नकुरी निर्वाचन रोक्नु षड्यण्त्र भएको आरोप लगाए ।

‘सरकारले १२० दिनसम्म लगाएको लकडाउन गत मंगलवारबाट हटाएको छ । कोरोनाको प्रभाव र त्रास विस्तारै कम हुँदै गएको छ । चैत ११ गतेबाट ठप्प भएको हाम्रो सार्वजनिक जीवन फेरी चलायमान हुन थालेको छ उनले भने यस्तो राय राख्दा महासंघकै पदाधिकारी साथीहरुले स्वास्थ्यभन्दा महासंघ ठूलो हुन सक्दैन भनेर मलाई हतोत्साही बनाउने प्रयास गर्नुभयो’ आफ्नो सार्वजनिक जीवनमा मैले पनि स्वास्थ्यभन्दा महासंघ ठूलो हो भनेर कहिल्यै पनि धारणा राखेको छैन । त्यस्तो म सोच्न पनि सक्दिन ।’

अत्यन्त जटिल पस्थितिमा समेत महासंघले समयमै साधारण सभा सम्पन्न गरेका अनेक उदाहरणहरु रहेको उल्लेख गर्दै ढकालले समयमै  साधारण सभा गरेरको भए संस्थाको गरिमा राख्न सकिने बताए । ‘चैतमा हुनुपर्ने साधारण सभा लकडाउनका कारण गर्न सकिएन । त्यसपछि पुरानो नेतृत्व आफ्नो जिम्मेवारीबाट पन्छिने र नयाँ नेतृत्वले जिम्मेवारी लिन नचाहने स्थिति रह्यो उनले भने यसले गर्दा एकातर्फ यो संस्था बेवारिसे हुन सक्ने अवस्था देखियो भने अर्कोतर्फ यसमा आवद्ध लाखौं उद्योगी, व्यापारी तथा व्यावसायीले अप्ठ्यारो परिस्थितिमा अभिभावक बिहिनको अवस्था महशुस गर्नुपर्‍यो ।’

महासंघका पूर्व अध्यक्ष चण्डिराज ढकालले महासंघले गलत नियतले चुनाव स्थगित गरिएको बताउँदै निर्वाचन स्थगितको निर्णय गर्नु गलत भएको बताए। त्यसकारण कम्तिमा हामीले सरकारलाई दिएको निवेदनको जवाफ कुर्नुपर्ने थियो । साधारण सभा स्थगित गरेर अर्को मिति तय समेत नगरिँदा यसले कानूनीमात्र नभइ हाम्रो नैतिक र सामाजिक जगसमेत कमजोर बनाएको छ । 

महासंघका वस्तुगत उपाध्यक्ष तथा वस्तुगत उपाध्यक्षकै उमेश श्रेष्ठले महासंघका पदाधिकारीको आकस्मिक बैठक राखेर साधारण सभालाई अनिश्चित समयसम्मका लागि धकेल्नु गलत भएको बताए । उनले पराजयको मानसिकताले निर्वाचन सारिएको आरोप लगाए । उनले संकटको समयमा निर्वाचन गरेर निकास दिनु पर्नेमा संस्थालाई चुनावी दाउपेचको शिकार बनाइएको बताए । 

जिल्ला नगर उपाध्यक्षका उम्मेदवार गुणानिधी तिवारीले निर्वाचन गर्ने परिस्थिती रहँदा रहँदै पनि नेतृत्व संस्थाले विधानविपरीत कार्य गरेकोले आफूहरु अफैपनि तेकिएको मितिमै निर्वाचन गर्नुपर्ने पक्षमा रहेको बताए । 

यस्तै एशोशिएट उपाध्यक्षका उम्मेदवार रामचन्द्र संघईले चुनाव रोकर  नभई समयमै सम्पन्न गरेर अगाडि बढ्न’ पर्नेमा संस्थालाई पछाडि धकेलने प्रयास भएको बताए । आगामी निर्वाचनमा वरिष्ठ उपाध्यक्षसहित नयाँ कार्यसमितिका लागि चन्द्रप्रसाद ढकाल र किशोर प्रधान प्यानलसहित प्रतिस्पर्धामा छन् । अघिल्लो निर्वाचनमा ढकाल सँगसँगै रहेर किशोर प्रधानविरुद्ध चुनाव लडेका वरिष्ठ उपाध्यक्ष शेखर गाल्छा भने अहिले खुलेरै प्रधानको पक्षमा लागेका छन् । 

प्रतिक्रिया [0]
प्रतिक्रिया दिनुहोस्