ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

एनआरएन इन्फ्रास्टक्चर एण्ड डेभलपमेण्टको आईपीओ शुक्रवारदेखि विक्री खुला

२०७७ सावन, १५  
लगानी
Image Not Found
author avatar अभियान संवाददाता

साउन १५, काठमाडौं । एनआरएन इन्फ्रास्टक्चर एण्ड डेभलपमेण्ट लिमिटेडले साउन १६ गते शुक्रवारदेखि ३१ लाख ६० हजार १८३ कित्ता आईपीओ सर्वसाधारणका लागि विक्री खुला गर्ने भएको छ । 

कम्पनीले सर्वसाधारणका लागि छुट्याएको ३३ लाख ९८ हजार ४६ कित्ता आईपीओ मध्य १ लाख ६९ हजार ९०२ कित्ता सामूहिक लगानी कोषको लागि बाँडफाँट पश्चात ६७ हजार ९६१ कित्ता शेयर कर्मचारीलाई सुरक्षित राखी बाँकी रहेको उक्त शेयर सार्वजनिक निष्कासन मार्फत विक्री गर्न लागेको हो ।

विक्रीका लागि छिटो अवधि साउन २१ गते र ढिलो अवधि भदौ ५ गतेसम्मका लागि तोकिएको यो आईपीओ खरीद गर्न चाहनेहरुले न्यूनतम १० कित्ता र अधिकतम ३१ लाख ६० हजार १८० कित्तासम्म माग गर्दै आवेदन दिन सक्नेछन् । 

उक्त कम्पनीको आईपीओ खरीदका लागि सि–आस्वा सेवामा सहभागी सम्पूर्ण बैंक तथा वित्तीय संस्था र मेरो शेयर मार्फत आफैले घरमै बसेर दिन आवेदन दिन सकिनेछ ।कम्पनीको आईपीओको विक्री प्रबन्धकमा सानिमा क्यापिटल रहेको छ । कम्पनीको आईपीओलाई केयर रेटिङ नेपाल लिमिटेडले औषतभन्दा तलको आधारलाई संकेत गर्ने केयर एनपीआईपीओ ग्रेड ४ रेटिङ प्रदान गरेको छ ।

हाल उक्त कम्पनीको संस्थापकतर्फबाट चुक्तापूँजी रू. ३३ करोड ९८ लाख ४ हजार रहेको छ । आईपीओ विक्रीपश्चात यो पूँजी रू. १ अर्ब १३ करोड २६ लाख ८२ हजार पुग्नेछ । आईपीओ विक्री पश्चात संस्थापकतर्फ ७० र सर्वसाधारण तर्फ ३० प्रतिशत शेयर स्वामित्व कायम हुनेछ ।

विश्वभरि छरिएर रहेका नेपालीहरुको लगानीलाई एकीकृत गरी नेपालको विकासमा योगदान पु र्‍याउने उदेश्यले उक्त कम्पनी विसं २०६९ साल भदौ ३१ गते स्थापना भएको हो । 

उक्त कम्पनीमा गैरआवासिय नेपाली संघका पूर्व अध्यक्षहरु उपेन्द्र महतो, जीवा लामिछाने, शेष घले, भवन भट्ट, र बर्तमान अध्यक्ष कुमार पन्त लगाएत ७९५ जना अन्य गैरआवासिय नेपालीहरुको लगानी रहेको छ ।

उक्त कम्पनीले जलविद्युत् क्षेत्रका विभिन्न आयोजनाहरुमा लगानी गरेको छ । कम्पनीले अन्य पूर्वाधार विकासको क्षेत्रमा पनि लगानी गर्दै जाने लक्ष्य रहेको बताएको छ ।
 कम्पनीको वास्तविक सञ्चित नाफा रू. १ करोड ६३ लाख १९ हजार रहेको छ । यो नाफा आर्थिक वर्ष २०७५/ ७६ सम्मको हो ।

कम्पनीको प्रतिशेयर नेटवर्थ रू. १०२ दशमलव शून्य ६ रहेको छ भने प्रतिशेयर आम्दानी रू. २ दशमल शून्य ४ छ । धितोपत्र दोस्रो बजारमा सूचीकृत भई कारोबारका लागि मूल्यको सीमा तय गर्दा नेप्सेले प्रतिशेयर नेटवर्थको तीन गुणासम्मको मूल्य तोक्न सक्छ ।

उक्त  कम्पनीको नेटवर्थको आधारमा कम्पनीको पहिलो कारोबारका लागि रू. ३०० भन्दा माथीकै मूल्य सीमा तोकिने देखिन्छ ।
  

प्रतिक्रिया [2]
User Image

Samundra shahi

[Jul 31, 2020 06:28pm]

1kitta Kati ko ho


User Image

Ramram

[Jul 30, 2020 09:53am]

Nam j j rakhe pani yo hydro com. Nai ho. Hydroko tal tyhi ho.kahile kam sakine tungi hunna.hppl vanne co.le listing vayeko 10 barsa vayo tara hatma 0.


प्रतिक्रिया दिनुहोस्