ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

कुवेतले लगायो नेपालसहित ३० भन्दा बढी मुलुकका यात्रुलाई प्रवेशमा प्रतिबन्ध    

२०७७ सावन, १८  
अन्तरराष्ट्रिय
Image Not Found

साउन १८, कुवेत सिटी । खाडी मुलुक कुवेतले नेपाल, भारत र चीनसमेत ३० भन्दा बढी मुलुकका यात्रुलाई कुवेत प्रवेशमा रोक लगाएको छ ।     
     
कुवेती नागरिक उड्डयन प्राधिकरणका महानिर्देशकले सबै विमानसेवा कम्पनीहरुलाई एक पत्र लेख्दै सरकारको उक्त आदेश पालना गर्न आग्रह गरेका छन् ।     
     
कुवेत सरकारले सार्वजनिक गरेको पछिल्लो सूचीमा समावेश मुलुकहरुमा नेपाल सहित भारत, इरान, चीन, ब्राजिल, कोलम्बिया, आर्मेनिया, बंगलादेश, फिलिपिन्स, सिरिया, स्पेन, सिंगापुर, बोस्निया हर्जगोभिना, श्रीलंका, इराक, मेक्सिको, इन्डोनेशिया, चिली, पाकिस्तान, इजिप्ट, लेबनान, हङकङ, इटाली, मोल्डोभा, पनामा, बेरुत समेतका छन् ।     
     
कुवेतले व्यावसायिक उडानहरु आंशिक खुला गरिएकै दिन नयाँ प्रतिबन्धहरु घोषणा गरेको खालिज टाइम्सले बताएको छ ।समाचार अनुसार कुवेत अन्तरराष्ट्रिय विमानस्थल शनिवारदेखि करीब ३० प्रतिशत खुला हुनेछ ।     
     
अमेरिकी जोन्स हप्किन्स विश्वविद्यालयका अनुसार कुवेतमा हालसम्म ६७ हजार ४४८ जनामा कोरोना संक्रमण देखिएको र ४५३ जनाको मृत्यु भएको छ ।  रासस–एएनआई

प्रतिक्रिया [0]
प्रतिक्रिया दिनुहोस्