ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

रिलायन्स लाइफको पहिलो कारोबार ३२२ रुपैयाँदेखि शुरु, कम्पनीको शेयर खरीदमा उच्च माग 

२०७७ भदौ, २३  
लगानी
NA
author avatar अभियान संवाददाता

भदौ २३, काठमाडौं । रिलायन्स लाइफ इन्स्योरेन्सको शेयर कारोबार मंगलवारदेखि शुरु भएको छ । सोमवार नेपाल स्टक एक्सचेञ्ज (नेप्से) मा सूचीकृत भएको उक्त कम्पनीको शेयर कारोबार प्रतिकित्ता रू. ३२२ मा खुला भएको हो । 

स्पेशल प्रि–ओपनिङ सेसनमा उक्त कम्पनीको ५० कित्ता शेयर कारोबार भएको छ । प्रि– ओपनिङ सेसनमा कारोबार म्याच भएसँगै नियमितसेसनमा कम्पनीको कारोबार शुरु भएको हो । 
नियमित सेसनको कारोबार खुला भएको ३० मिनेट जाँदा उक्त कम्पनीको १७ लाख ८७ हजार ५४६ कित्ता शेयर खरीदको माग रहेको छ । यस कम्पनीको शेयर खरीदका लागि रू. ३२४ देखि रू. ३२८ सम्मको मूल्यमा खरिद अर्डर भएको छ । यस अवधिसम्म विक्री कर्ता भने कोहि देखिएका छैनन् ।

उक्त कम्पनीले भदौ ४ गतेदेखि ८ गतेसम्म सर्वसाधारणका लागि ६३ लाख कित्ता आईपीओ विक्री गरेको थियो । नेप्सेले उक्त कम्पनीको पहिलो कारोबारका लागि प्रतिकित्ता न्यूनतम रू. १०७ दशमलव ५९ देखि रू. ३२२ दशमलव ७७ मूल्य रेञ्ज तोकेको छ । 

नेप्सेले पहिलो कारोबारका लागि कम्पनीको नेटवर्थको तीन गुणासम्मको मूल्य रेञ्ज तोक्ने गरेको छ । गत असार मसान्तसम्म कम्पनीको प्रतिशेयर नेटवर्थ रू. ११० दशमलव ४५ रहेको छ ।
 

प्रतिक्रिया [0]
प्रतिक्रिया दिनुहोस्