ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

नारायणी डेभलपमेण्ट बैंकको साधारण सभा असोज १६ गते, हकप्रद शेयर जारी गर्ने प्रस्ताव

२०७७ भदौ, २६  
लगानी
Image Not Found
author avatar अभियान संवाददाता

भदौ २६, काठमाडौं । नारायणी डेभलपमेण्ट बैंकको १८औं वार्षिक साधारण सभा असोज १६ गते स्टार ब्याङक्वेट रत्ननगर, चितवनमा दिउँसो १ बजे हुने भएको छ । 

कम्पनीको भदौ २५ गते बसेको सञ्चालक समितिको बैठकले साधारण सभा गर्ने निर्णय गरेको हो । साधारण सभाले चुक्तापूँजी वृद्धि गर्नको लागि शत प्रतिशत हकप्रद शेयर जारी गर्ने प्रस्ताव पारित गर्नेछ ।  

नेपाल राष्ट्र बैंकको निर्देशन अनुसार ‘ख’ वर्गको जिल्ला स्तरीय बैंकलाई न्यूनतम पूँजी रू. ५० करोड आवश्यक पर्ने भएकाले कम्पनीको अधिकृत जारी र चुक्ता पूँजी वृद्धि गर्ने र सोही अनुसार प्रवन्धपत्र तथा नियमावलीमा आवश्यक संशोधन गर्ने प्रस्ताव रहेको छ । 

साथै यस नारायणी डेभलपमेण्ट बैंक र अन्य बैंक तथा वित्तीय संस्था एक आपसमा गाभ्ने गाभिने तथा प्राप्ति गर्नेसँग सम्बन्धी आवश्यक कार्यहरु गर्नको लागि सञ्चालक समितिलाई अख्तियारी दिने प्रस्ताव पारित गर्ने रहेको छ । 

साधारण सभा प्रयोजनको लागि कम्पनीको शेयरधनी दर्ता पुस्तिका असोज ८ गतेदेखि १६ गतेसम्म बन्द रहने कम्पनीले जानकारी गराएको छ । असोज ७ गतेसम्म कायम शेयरधनीले साधारण सभामा भाग लिन सक्नेछन् । 

हाल कम्पनीको चुक्तापूँजी रू. ६ करोड ५६ लाख रहेको छ । शत प्रतिशत हकप्रद शेयर जारी गरेपछि कम्पनीको पूँजी रू. १३ करोड १२ लाख पुग्नेछ । नेपाल राष्ट्र बैंकले यस कम्पनीलाई समस्याग्रस्त सूचीबाट साउन ८ गते फुकुवा गरेको हो । 

प्रतिक्रिया [0]
प्रतिक्रिया दिनुहोस्