ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

भारतमा कोरोनाबाट एकै दिनमा ९७ हजारभन्दा बढी संक्रमित    

२०७७ भदौ, २७  
अन्तरराष्ट्रिय
Image Not Found

भदौ २७, नयाँ दिल्ली । भारतमा कोरोना भाइरसबाट संक्रमित भएकाहरुको दैनिक संख्या दिनप्रतिदिन वृद्धि हुँदै गइरहेको छ ।     
     
पछिल्लो २४ घण्टामा अहिलेसम्मकै सबैभन्दा धेरै ९७ हजार ५७० जना संक्रमित भएको अधिकारीहरुले शनिवार जानकारी दिएका छन् ।योसँगै भारतमा कोरोना भाइरसबाट अहिलेसम्म कुल संक्रमितहरुको संख्या ४६ लाखभन्दा बढी पुगेको देखिएको छ ।     
     
संघीय स्वास्थ्य मन्त्रालयले दिएको जानकारी अनुसार भारतमा कोरोनाकै कारण मृत्यु भएकाहरुको कुल संख्या अहिलेसम्म ७७ हजार ४७२ पुगेको छ । कुल मृतकमध्ये १ हजार २०१ जनाको पछिल्लो २४ घण्टामा मृत्यु भएको पनि मन्त्रालयले बताएको छ ।
     
भारतमा कोरोनाका कारण अहिलेसम्म कुल ४६ लाख ५९ हजार ९८५ जना संक्रमित भएको अधिकारीहरुले बताएका छन् । ती मध्ये ३६ लाख २४ हजार १९७ जना संक्रमणमुक्त भइसकेका छन् ।अधिकारीहरूका अनुसार अरु ९ लाख ५८ हजार ३१६ जना अझै पनि  संक्रमित अवस्था मै रहेका छन् ।     
     
भारतमा सवैभन्दा बढी महाराष्ट्र प्रदेश प्रभावित भएको छ । महाराष्ट्रमा मात्रै अहिलेसम्म कोरोनाकै कारणले २८ हजार जनाको मृत्यु भएको छ ।     
     
महाराष्ट्रमा अहिले पनि २ लाख ६१ हजार ७९८ जना सक्रिय संक्रमित रहेका छन् । त्यसैगरी आन्द्र प्रदेश दोस्रो धेरै प्रभावित प्रदेशमा पर्दछ । जहाँ अहिलेपनि ९७ हजार ३३८ जना सक्रिय संक्रमितहरु रहेका छन् भने ४ हजार ७०२ जनाको कोरोनाकै कारण मृत्यु भएको छ ।     
     
कुल ४८ हजार ४८२ जना सक्रिय संक्रमितहरु रहेको तमिल नाडु भारतको तेस्रो धेरै प्रभावित प्रदेशमा पर्दछ । तमिल नाडुमा मात्रै कोरोनाका कारण अहिलेसम्म ८ हजार १५४ जनाको मृत्यु भएको छ ।     
     
त्यसपछि धेरै प्रभावित प्रदेशहरुमा कर्नाटक र दिल्ली प्रदेश रहेको केन्द्रीय स्वास्थ्य तथा परिवार कल्याण मन्त्रालयले बताएको छ ।   रासस/ एएनआई  
     
   

प्रतिक्रिया [0]
प्रतिक्रिया दिनुहोस्