ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

सातामा दुई दिन बढ्यो सुनको मूल्य, मूल्यको उतारचढाब सामान्य 

२०७७ भदौ, २७  
समाचार
Image Not Found
author avatar अभियान संवाददाता

भदौ २७, काठमाडौं । यो साता सुनचाँदीको मूल्यमा खासै उतारचढाब देखिएको छैन । कोरोना महामारी बढेसँगै उकालो लाग्ने थालेको सुनचाँदीको मूल्य पछिल्लो समय भने घट्दो क्रममै रहेको देखिएको छ ।

गत साताको अन्तिम दिन भदौ १९ गते शुक्रवारको मूल्यको तुलनामा सुनको मूल्य प्रतितोला रू.१०० ले बढेको छ । चाँदीको मूल्य भने उक्त दिनकै मूल्यमा स्थिर रहेको छ । अरु व्यवसाय जस्तै सुनचाँदीको व्यवसाय पनि यो बेला ठप्प जस्तै छ । 

नेपाल सुनचाँदी व्यवसायी महासंघले लकडाउन शुरु भएसँगै केहि समय स्थगित गरिएको सुनचाँदीको मूल्य दर सार्वजनिक कार्यलाई पछिल्लो समय निरन्तरता दिंदै आएको छ । 
महासंघले सार्वजनिक गरेको मूल्यदरको आधारमा भदौ २१ गते यता दुई दिन सुनचाँदीको मूल्य स्थिर रहेको छ ।

यो साता सुनचाँदीको मूल्य दुई दिन बढेको छ भने दुई दिन घटेको छ । 
साताको पहिलो र दोस्रो दिन स्थिर रहेको सुनचाँदीको मूल्य तेस्रो दिन भने घटेको थियो ।

त्यस दिन साताकै न्यून मूल्य छापावाल सुन प्रतितोला रू. ९५ हजार ८०० र तेजावी सुन प्रतितोला रू. ९५ हजार ३०० मा झरेको थियो । चाँदीको मूल्य पनि प्रतितोला रू. १० ले घटेर प्रतितोला रू. १ हजार ३१० मा झरेको हो ।साताको चौथो र पाँचौ दिन सुनचाँदीको मूल्य बढेको थियो भने साताको अन्तिम दिन घटेको हो । 

दुई दिन लगातार बढेको छापावाल सुनको मूल्य साताको पाँचौ दिन भदौ २५ गते प्रतितोला रू. ९६ हजार ८०० पुगेको थियो भने तेजावी सुनको मूल्य रू. ९६ हजार ३०० थियो । सातामा सुनचाँदीकै मूल्य उच्च भएको दिन चाँदीको मूल्य भने प्रतितोला रू. १ हजार ३२५ कायम भएको थियो । 

अन्तिम दिन भने अघिल्लो दिनभन्दा प्रतितोला रू. ३०० ले घटेर छापावाल सुनको मूल्य प्रतितोला रू. ९६ हजार ५०० र तेजावी सुनको मूल्य रू. ९६ हजार कायम भएको छ । चाँदीको मूल्य पनि अघिल्लो दिनभन्दा रू. १५ ले घटेर प्रतितोला रू.१ हजार ३१० कायम भएको छ । 

यो साता सुनचाँदीको मूल्यमा आएको परिवर्तनको अवस्था :

स्रोत : नेपाल सुनचाँदी व्यवसायी महासंघ 

प्रतिक्रिया [0]
प्रतिक्रिया दिनुहोस्