ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

पोखरा क्षेत्रीय अन्तरराष्ट्रिय विमानस्थल निर्धारित समयमा नै सम्पन्न हुन्छ : मन्त्री भट्टराई

२०७७ भदौ, २७  
समाचार
Image Not Found
पोखरा क्षेत्रीय अन्तरराष्ट्रिय विमानस्थलको स्थलगत निरीक्षण गर्दै संस्कृति, पर्यटन तथा नागरिक उड्डयनमन्त्री योगेश भट्टराई

भदौ २७, कास्की । संस्कृति, पर्यटन तथा नागरिक उड्डयनमन्त्री योगेश भट्टराईले पोखरा क्षेत्रीय अन्तरराष्ट्रिय विमानस्थलको निर्माण कार्य निर्धारित समयमा नै सम्पन्न हुने बताएका छन् । 

राष्ट्रिय गौरवको आयोजनाका रुपमा रहेको उक्त विमानस्थल निर्माण कार्यको शनिवार स्थलगत निरीक्षण गर्दै उनले कोरोना संक्रमणका बाबजुद पनि विमानस्थलको निर्माण कार्य निरन्तर भइरहेको बताए ।

विमानस्थललाई निर्धारित समयमा नै सम्पन्न गरी यसको सञ्चालन गराउने कुरामा सरकार लागि रहेको उल्लेख गर्दै उनले कोरोना संक्रमणका कारण साधन श्रोत एवम् जनशक्ति अभाव हुन नदिन सरकारका तर्फबाट आवश्यक सहजीकरण गर्नेमा विश्वस्त तुल्याए ।

उनले निर्धारित लक्ष्यअनुसार नै सन् २०२१ भित्रमा विमानस्थल निर्माण सम्पन्न भएर सञ्चालनमा आई अन्तरराष्ट्रिय उडान शुरु हुने विश्वास व्यक्त गरे । कोरोनाका कारण झण्डै ६ महीनायता रोकिएका आन्तरिक एवम् अन्तरराष्ट्रिय उडान सञ्चालको तयारी भइरहेको उनको भनाइ थियो ।

सो अवसरमा सांसद् विद्या भट्टराई अधिकारीले पोखरालगायत मुलुककै समृद्धिमा महत्वपूर्ण बन्ने पोखरा क्षेत्रीय अन्तरराष्ट्रिय विमानस्थलको निर्माणाधिन काम समयमा सम्पन्न गर्न आफ्नो तर्फबाट सहयोग रहने प्रतिवद्धता व्यक्त गरे ।

पोखरा क्षेत्रीय अन्तरराष्ट्रिय विमानस्थल निर्माण आयोजनाका प्रमुख विनेश मुनकर्मीले विमानस्थलको निर्माण कार्य हालसम्म ६४ प्रतिशत सम्पन्न भएको जानकारी दिए । भौतिक पूर्वाधार निर्माणको काम अधिकांश सम्पन्न भइसकेको उल्लेख गर्दै उनले उपकरण जडानलगायतका काम बाँकी रहेको बताए ।

विमानस्थलभित्र टर्मिनल भवन, ह्याङगर, धावनमार्ग, पार्किङ, पौंचमार्गसहित १४ ओटा भवन निर्माणको काम अन्तिम चरणमा पुगेको उनले जानकारी दिए । उनका अनुसार विमानस्थलको निर्माण कार्यमा हाल १८० चिनियाँ र ९० नेपाली कामदारले निरन्तर काम गरिरहेका छन् । आवश्यक उपकरण जडानका लागि उपकरणसहित थप २०० दक्ष जनशक्ति चीनबाट आउने तयारीमा रहेको मुनाकर्मीको भनाइ छ । 

कोरोना संक्रमणका कारण निर्माण कार्यको गतिमा केही प्रभाव परेका कारण तोकिएको मिति भन्दा ६ महीना अगावै सक्ने लक्ष्य प्रभावित भए पनि निर्धारित समयमा नै निर्माण सम्पन्न हुने उनको भनाइ छ । रासस

प्रतिक्रिया [1]
User Image

Sushil

[Sep 13, 2020 02:09am]

maile pani vhandiye nijagadh yehi hisab le bansyo vhane 5 year ma complete hun6. haaaaaaaaaaaa vhanna kati sajilo hai.GARERA DHEKHAUNA PO GARYO


प्रतिक्रिया दिनुहोस्