ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

कोरोना महामारीपछि नयाँ उद्योग दर्ताको संख्यामा कमी 

२०७७ असोज, १०  
वाग्मती प्रदेश
Image Not Found
author avatar अभियान संवाददाता

असोज १०, चितवन । घरेलु तथा साना उद्योग कार्यालय चितवनमा चालू आर्थिक वर्ष ०७७/ ०७८ को भदौ महीनामा  नयाँ उद्योग दर्ता गर्ने उद्यमीको संख्यामा कमी आएको छ । 

कार्यालयले दिएको जानकारी अनुसार साउन महीनामा सबै उद्योग गरी २५४ ओटा उद्योग दर्ता भएका छन् । जसअनुसार सबैभन्दा बढी कृषि तथा वनजन्य उद्योग १९१ ओटा उद्योग, पर्यटनमुलक उद्योग २८ ओटा, सेवामुलक उद्योग २० ओटा र उत्पादनमुलक उद्योग १५ ओटा दर्ता भएका थिए ।

तर यो संख्या भदौमा घटेर ८४ ओटा मात्र उद्योग दर्ता भएका छन् । जसअनुसार कृषि तथा वनजन्य उद्योग ६४ ओटा, उत्पादन मुलक उद्योग १० ओटा, सेवामुलक उद्योग सात ओटा र पर्यटनमुलक उद्योग तीन ओटा दर्ता भएका छन् । कार्यालय प्रमुख नारायण लम्सालले निशेधाज्ञाका कारण भदौ महीनामा २१ दिन कार्यालय बन्द भएकोले उद्योग दर्ता गर्न सेवाग्राही नआएको बताए ।

असोज लागेपछि भने दैनिक औसत ५० ओटासम्म उद्योग दर्ता भएको उनले जानकारी दिए । दुई महीनाको अवधिमा निर्माणमुलक उद्योग, खनिजजन्य उद्योग, उर्जामुलक उद्योग र सूचना तथा विज्ञान प्रविधि सम्बन्धी कुनैपनि नयांँ उद्योग दर्ता भएका छैनन । कोरोना महामारीका कारण उद्योगीहरुले जोखिम लिन नचाहेकाले नयांँ उद्योग दर्ता हुन नसकेको उनले बताए ।

नविकरण गर्ने पनि घटे 
चालू आर्थिक वर्ष साउन महीनाको तुलनामा भदौ महीनामा उद्योग नविकरण गर्नेको संख्यामा समेत कमी आएको छ । कार्यालयका अनुसार साउन  महीनामा सबै उद्योग गरी २१९ ओटा उद्योग नविकरण भएका थिए भने भदौ महीनामा १०९ ओटा उद्योग मात्र नविकरण भएका छन् । 

साउन महीनामा कृषि तथा वनजन्य उद्योग ४४ ओटा, उत्पादन मुलक उद्योग ८५ ओटा, सेवामुलक उद्योग ५८ ओटा र पर्यटनमुलक उद्योग ३२ ओटा नविकरण भएका छन् । यस्तै भदौ महीनामा उत्पादनमुलक उद्योग ४९ ओटा, सेवामुलक उद्योग ३६ ओटा, कृषि तथा वनजन्य उद्योग १५ ओटा र पर्यटन मुलक उद्योग नौ ओटा नवीकरण भएका छन् । 

कार्यालय प्रमुख लम्सालले लकडाउनका कारण उद्योगी व्यवसायी कार्यालयसम्म आउन नसकेको र जरीवानासमेत छूट भएको कारण नविकरण गर्नेको संख्यामा कमी आएको हो । 
दुई महीनाको अवधिमा निर्माणमुलक उद्योग, खनिजजन्य उद्योग, उर्जामुलक उद्योग र सूचना तथा विज्ञान प्रविधि सम्बन्धी कुनैपनि उद्योग नविकरण भएका छैनन् । 

उनका अनुसार पछिल्लो समय सरकारले युवा लक्षित कार्यक्रम र कृषिजन्य उत्पादनमा बढी सहुलियत र आकर्षण गरेकाले यी उद्योगहरुको चालू आर्थिक वर्षमा दर्ता तथा नविकरण हुन नसकेको हो । उनले भने, ‘कोभिडको कारण कृषिक्षेत्रमात्र विकल्प बन्यो उनले भने, अन्य क्षेत्र पर्ख र हेरको अवस्थामा रहेका छन् ।’ 

जिल्लामा अहिले रू. ५ लाखदेखि रू. ५ करोडसम्म पूँजि भएको उद्योग दर्ता गर्न सकिने कार्यालयले जानकारी दिएको छ । कार्यालयले रू.५ लाखदेखि रू.२० लाखसम्म रू.१२ हजार १००, रू.२० लाखदेखि ५० लाखसम्म पूँजि भएको उद्योग दर्ताका लागि रू.२०  हजार र  रू. ५० लाखदेखि रू. १ करोडसम्म पूँजि भएको उद्योग दर्ताका लागि रू. ३०  हजार र १ करोडदेखि रू.५ करोडसम्मको उद्योगको लागि रू.४० हजार शुल्क लाग्ने गरेको छ । 
 

प्रतिक्रिया [0]
प्रतिक्रिया दिनुहोस्