ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

विद्युतीय भुक्तानीमा आकर्षण बढ्दो

ईकमर्शबाट एकै महीना डेढ लाख कारोबार

२०७७ असोज, १२  
समाचार
Image Not Found
author avatar ममता थापा

काठमाडौं । भुक्तानीको माध्यम क्रमशः डिजिटलाइज्ड हुँदै गर्दा नेपालमा पनि ईकमर्श कारोबारमा आकर्षण बढेको छ । ईकमर्श अर्थात् इन्टरनेटको प्रयोगबाट हुने वस्तु तथा सेवा किनबेचबापत भुक्तानी गर्ने प्रक्रियामा गत साउन महीनामा मात्रै १ लाख ६८ हजार ६२७ पटक कारोबार गरेका छन् । यस्तोे कारोबार रकम भने रू. १ अर्ब २० करोड बराबरकोे छ ।

नेपाल राष्ट्र बैंकले पहिलोपटक यस्तो तथ्यांक सार्वजनिक गरेको हो । साथै, विद्युतीय भुक्तानी माध्यममध्ये सबैभन्दा बढी कारोबार वालेटबाट भएको छ । साउनमा मात्रै १ करोड १ लाख ७७ वालेट कारोबारमार्फत रू. ७ अर्ब ५७ हजार बराबरको भुक्तानी भएको छ ।

ईकमर्शमार्फत भएको भुक्तानीमा डेविट कार्ड, क्रेडिट कार्ड, पिन कार्डको नम्बरबाट ईकमर्श शीर्षकमा भुक्तानी गरेका सबै कारोबारलाई समेटेको राष्ट्र बैंक भुक्तानी प्रणाली विभागले बताएको छ । विभागका अनुसार विशेष गरेर पहिला नै निश्चित भएको भुक्तानी मूल्यहरूका लागि कार्डको नम्बर प्रयोग गरेर ईकमर्शमार्फत भुक्तानी गरिन्छ । यस्तो विद्युतीय भुक्तानी तथा ईकमर्शको सुविधा दिँदै आएका बैंक तथा वित्तीय संस्था, ईसेवा, खल्ती, आईएमई पे, फोन पे जस्ता भुक्तानी प्रदायक संस्था र नेपाल क्लियरिङ हाउसजस्ता भुक्तानी सञ्चालक संस्थाहरूमार्फत भएको कारोबारको आधारमा तथ्यांक सार्वजनिक गरेको विभागका कार्यकारी निर्देशक भुवन कँडेलले जानकारी दिए ।

कँडेलका अनुसार बजारमा विद्युतीय भुक्तानीका प्रविधि तथा उपकरणहरू थपिँदै गएकाले ईकमर्शलाई पनि प्राथमिकता दिएर तथ्यांक सार्वजनिक गरिएको हो । ‘कोरोना महामारीको असहज परिस्थितिमा ईकमर्शलाई प्रवद्र्धन गर्न पनि विभिन्न परिपत्र जारी गरेका छौं । यससँगै बजारमा आएका नयाँ तथा चलनचल्तीमा रहेका विद्युतीय भुक्तानी प्रविधिलाई हिसाबमा राखिएको छ । यसबाट सबै प्रकारका विद्युतीय भुक्तानी कारोबारबारे कुनमा कति आकर्षण भयो भन्ने जानकारी राख्न सकिन्छ,’ उनले भने ।

ईकमर्श संस्थाहरू दराज, सस्तोडिल, युजी बजार, आदिले दैनिक उपभोग्य वस्तुहरू, लुगा, विद्युतीय सामग्रीलगायत र मेट्रो तरकारीले फलफूल तथा तरकारी, फुडमान्डु, फुडमारियो, भोज डिल्सले खाने कुराहरूको अनलाइन डेलिभरी दिइरहेका छन् । यस्तै, टुटल, पठाओ र सारथीलगायतले विद्युतीय भुक्तानीबाट सेवा दिँदै आएका छन् ।

प्रतिक्रिया [0]
प्रतिक्रिया दिनुहोस्