ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

आफै मिटर रिडिङ गरी अग्रिम महसुल भुक्तानी गरे २५ % छूट : प्राधिकरण        

२०७७ असोज, १५  
समाचार
Image Not Found

असोज १५, काठमाडौं । नेपाल विद्युत् प्राधिकरणले आफै मिटर रिडिङ गरी अग्रिम रुपमा महसुल भुक्तानी गरेको खण्डमा २५ प्रतिशतसम्म छूट दिने भएको छ ।     
प्राधिकरणले बिहीवार एक सार्वजनिक सूचनामार्फत जरिवानाबाट बच्न तथा समय समेत बचाउन उक्त व्यवस्था गरिएको बताएको छ । केही दिन पहिले प्राधिकरण सञ्चालक समितिका अध्यक्ष समेत रहेका ऊर्जा, जलस्रोत तथा सिंचाइ मन्त्री वर्षमान पुनले ग्राहकलाई जरिवाना नलिन निर्देशन दिएका थिए ।

 सोही निर्देशन अनुसार नै प्राधिकरणले सूचनामार्फत अग्रिम भुक्तानी गर्न र २५ प्रतिशतसम्म छूट लिन आग्रह गरेको हो । प्राधिकरणले जारी गरेको सूचनाअनुसार मिटर रिडर मिटर पढन नआएमा वा विल प्राप्त नभएमा ग्राहकले सम्बन्धित कार्यालयमा सम्पर्क गरी विल लिनु ग्राहकको कर्तव्य भएको बताएको छ ।

नियमानुसार ग्राहकले मिटर रिडिङ हुने दिनसमेत गरि ७ दिन भित्र विल भुक्तानी गर्दा विल रकममा २५ छूट पाइँदै आएको स्मरण गरेको छ । यस्तै ८ औंं दिनदेखि १५औं दिनसम्म बुझाएमा विल रकम मात्र बुझाए हुने व्यवस्था छ । निमायनुसार १६ औं दिनदेखि ३०औं दिनसम्म बुझाएमा पाँच प्रतिशत थप शुल्क लाग्दछ ।

३१औं दिनदेखि ४०औं दिनसम्म बुझाएमा १० प्रतिशत र ४१औं दिनपछि भने २५ प्रतिशत थप दस्तुर लाग्छ । ६०औं दिन भित्र पनि महशुल भुक्तानी नभएका जुनसुकै समयमा विद्युत् लाइन काट्न सकिने व्यवस्था रहेको छ ।     
     
 प्राधिकरणले सूचनामा भनिएको छ, ‘ विगतका महीनाको औषत विल अनुमान गरी कति महीनासम्मको विल भुक्तानी गर्न सकिन्छ सो बराबरको रकम अनुमान गरी अग्रिम वुझाएमा पछि विद्युत् महसुल अनुसारको विल हिसाव मिलान गर्दा २५ प्रतिशत छूट पाइने छ ।’
 विद्युत् महसुल भुक्तानी गर्न ढीला हुँदा लाग्ने जरीवानाबाट समेत वच्न सकिने, प्रत्येक महिना काउन्टरमा गई रहन नपर्ने, समय बचत हुने र यातायात खर्च समेत बच्ने प्राधिकरणको भनाइ छ ।     
     
 यस्तै ग्राहक स्वयंले मिटर पढन जान्नु उत्तम रहेको भन्दै आफै मिटर रिडिङ्ग हुने दिनमा कति अंक मिटरमा पुगेको छ त्यो टिप्नु राम्रो हुने प्राधिकरणले बताएको छ ।  रासस
 

प्रतिक्रिया [2]
User Image

Prem Bahadur Bhujel

[Oct 4, 2020 02:14pm]

Hello sir madam maile bujna chayko miter ridding hune din Kati gate dekhi Kati gate samma ho?ani advance ma paisa deposit gare chai Kati chit paincha patai dinu hola.


User Image

शिवप्रसाद आचार्य

[Oct 2, 2020 01:05am]

सम्पादक ज्यु, यो समाचार बिल्कुल गलत छ। आफैं मिटररिडिंग गर्दा पनि ७ दिन भित्र भुक्तानी गर्दा ग्ाहकले २ प्रतिशत छुट पाउने हो। कृपया सच्याएर पुन प्रकाशित गरिदिनुहोला ।


प्रतिक्रिया दिनुहोस्