ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

सानिमा जनरल इन्स्योरेन्सको आईपीओमा आवेदन दिने आज अन्तिम दिन

२०७७ असोज, २५  
लगानी
Image Not Found
author avatar अभियान संवाददाता

असोज २५, काठमाडौं । सानिमा जनरल इन्स्योरेन्से सर्वसाधारणका लागि जारी गरेको आईपीओमा आवेदन दिने आइतवार अन्तिम दिन रहेको छ । 

उक्त कम्पनीले असोज २१ गतेदेखि सर्वसाधारणका लागि रू.३० करोड बराबरको ३० लाख कित्ता आईपीओ विक्री खुला गरेको हो । कुल कित्तामध्ये १ लाख २० हजार कित्ता कम्पनीका कर्मचारीहरुका लागि र १ लाख ५० हजार कित्ता सामुहिक लगानी कोषका लागि छुट्याएको छ । बाँकी २७ लाख ३० हजार कित्ता शेयर भने सर्वसाधारणका लागि सार्वजनिक निष्कासन गरिएको हो । 

यो शेयरमा आवेदन दिनका लागि छिटोमा असोज २५ गते र ढिलोमा कात्तिक ६ गतेसम्मको मिति तय गरिएको भएपनि पहिलो दिनमै मागभन्दा बढी आवेदन परिसकेकाले छिटो अवधिभित्रै विक्री बन्द हुनेछ ।

यो आईपीओ खरीदका लागि न्यूनतम १० कित्तादेखि अधिकतम १ हजार कित्तासम्म आवेदन दिन सकिने व्यवस्था छ । आईपीओ विक्रीका लागि असार १४ गते निवेदन दिएको सानिमा जनरल इन्स्योरेन्सले नेपाल धितोपत्र बोर्डबाट असोज ५ गते स्वीकृति पाएको थियो ।

हाल कम्पनीको चुक्तापूँजी रू. ७० करोड रहेको छ ।  उक्त कम्पनीको आईपीओ विक्री प्रबन्धकमा एनआईसी एशिया क्यापिटल रहेको छ ।

आईपीओ खरीद गर्न चाहनेहरुले विक्री प्रबन्धकसँगै सी–आस्बा सेवामा सहभागी सम्पूर्ण बैंक तथा वित्तीय संस्था र तीनका शाखा कार्यालयबाट आवेदन दिन सक्नेछन् । साथै मेरो शेयरको माध्यमबाट घरबाटै पनि आवेदन दिन सकिने व्यवस्था छ । 

कम्पनीको आईपीओलाई केयर रेटिङ नेपालले केयर एनपी बीबी प्लस (आईएस) रेटिङ प्रदान गरेको छ । यो रेटिङले कम्पनीको आधार औषतभन्दा राम्रो रहेको संकेत गर्दछ ।

उक्त कम्पनीको प्रतिशेयर आम्दानी रू. २ दशमलव ६६ र प्रतिशेयर नेटवर्थ रू. १०६ दशमलव ३९ रहेको छ । कम्पनीको आईपीओमा गत शुक्रवारसम्ममा झण्डै साढे ७ लाख ५० हजार लगानीकर्ताहरुले आवेदन दिइसकेका छन्।

प्रतिक्रिया [0]
प्रतिक्रिया दिनुहोस्