ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

एक घण्टामा ६२ करोडभन्दा बढीको शेयर कारोबार, नेपाल लाइफको सबैभन्दा बढी 

२०७७ असोज, २५  
लगानी नेप्से विश्लेषण
Image Not Found
author avatar अभियान संवाददाता

असोज २५, काठमाडौं । साताको पहिलो कारोबार दिन आइतवारको पहिलो घण्टामा रू. ६२ करोड १५ लाख १८ हजार बराबरको शेयर कारोबार भएको छ ।

उक्त अवधिसम्म १७८ ओटा कम्पनीको १० हजार ५३२ पटकको व्यापारमा उक्त रकम बराबरको २४ लाख ५५ हजार कित्ता शेयर कारोबार भएको हो । 

यो दिन बजार १ हजार ५९४ दशमलव शून्य १ विन्दुदेखि खुलेको छ । एक घण्टाको कारोबारमा १ हजार ५७७ विन्दुसम्म पुगेर बजार उकालो लागेको छ । उक्त अवधिसम्म बजार १ दशमलव शून्य ८ अंक बढेर १ हजार ५९० दशमलव ७१ विन्दुमा पुगेको छ । सेन्सेटिभ इन्डेक्स भने उक्त अवधिसम्म शून्य दशमलव ६३ अंक घटेर ३१४ दशमलव १४ विन्दुमा झरेको छ ।

आइतवार एक घण्टाको कारोबारमा सर्वाधिक रकमको कारोबार नेपाल लाइफ इन्स्योरेन्सको भएको छ । उक्त कम्पनीको यस अवधिसम्म रू. ६ करोड ११ लाख ५२ हजार बराबरको शेयर कारोबार भएको हो ।

एक घण्टामा आईसीएफसी फाइनान्सको शेयरमूल्य सर्वाधिक ९ दशमलव ८२ प्रतिशतले बढेको छ भने अरुणभ्याली हाइड्रोपावरको शेयरमूल्य सर्वाधिक ८ दशमलव ९२ प्रतिशत घटेको छ । 

एक घण्टाको कारोबारमा बैंकिङको शून्य दशमलव २ प्रतिशत, निर्जीवन बीमाको शून्य दशमलव शून्य २ प्रतिशत, लघुवित्तको शून्य दशमलव ३८ प्रतिशत र म्युचुअल फण्डको शून्य दशमलव शून्य २ प्रतिशत परिसूचक घटेको छ ।

उक्त अवधिसम्म होटलको शून्य दशमलव शून्य २ प्रतिशत, विकास बैकको शून्य दशमलव ३७ प्रतिशत, जलविद्युतको शून्य दशमलव ३५ प्रतिशत, वित्तको १ दशमलव १ प्रतिशत, उत्पादन तथा प्रशोधन समुहको शून्य दशमलव २ प्रतिशत, अन्यको शून्य दशमलव १७ प्रतिशत र जीवन बीमाको १ दशमलव २२ प्रतिशत परिसूचक बढेको छ । 

आइतवार एक घण्टाको कारोबारमा वित्त र जीवन बीमा समुहप्रति लगानीकर्ताहरुको आकर्षण उच्च रहेको छ ।
 

प्रतिक्रिया [0]
प्रतिक्रिया दिनुहोस्