ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

नेपाल इन्भेष्टमेण्ट बैंकले पारित गर्‍यो सिटी एक्सप्रेस फाइनान्सलाई प्राप्ति गर्ने प्रस्ताव 

२०७७ असोज, २८  
लगानी
Image Not Found
author avatar अभियान संवाददाता

असोज २८, काठमाडौं । नेपाल इन्भेष्टमेण्ट बैंक लिमिटेडले सिटी एक्सप्रेस फाइनान्सलाई प्राप्ति गर्ने प्रस्ताव पारित गरेको छ । कम्पनीको बुधवार सम्पन्न विशेष साधारण सभाले सिटी एक्सप्रेस फाइनान्सलाई १०० : ३० अनुपातमा प्राप्ति गर्ने प्रस्ताव पारित गरेको हो ।

कम्पनीले काठमाडौंको दरबारमार्गस्थित रजिष्टर्ड कार्यालयमा भिडियो कन्फ्रेन्स मार्फत विशेष साधारण सभा आयोजना गरेको हो । सभामा शेयरधनीहरुलाई जुम मार्फत सहभागी गराइएको थियो ।

सिटी एक्सप्रेसको १०० कित्ता शेयर बराबर आफ्नो ३० कित्ता शेयर आदानप्रदान गर्ने गरी गत भदौ १७ गते यी दुई कम्पनी बीच सम्झौता भएको थियो । उक्त सम्झौतालाई समेत सभाले अनुमोदन गरेको छ ।

प्राप्ति पश्चात कम्पनीको जारी तथा चुक्तापूँजी वृद्धि हुने तथा शेयर स्वामित्व पनि फेरबदल हुने हुदाँ सोहि बमोजिम कम्पनीको प्रबन्धपत्र संशोधनको प्रस्ताव पनि सभाले पारित गरेको छ ।

सिटि एक्सप्रेसले पनि बुधवारनै विशेष साधारण सम्पन्न गरी नेपाल इन्भेष्टमेण्ट बैंकले प्राप्ति गर्ने प्रस्ताव पारित गरेको छ । प्राप्ति प्रयोजनका लागि सिटी एक्सप्रेसको शेयर कारोबार गत पुस २८ गतेदेखि रोक्का रहेको छ । 

अब एकीकृत कारोबार शुरु गरेपश्चात नेपाल इन्भेष्टमेण्ट बैंकको नामबाट सिटी एक्सप्रेसका लगानीकर्ताहरुको शेयर कारोबार हुनेछ । नेपाल इन्भेष्टमेण्ट बैंकको शेयरपूँजी रू. १४ अर्ब २४ करोड ८९ लाख ५५ हजार रहेको छ भने सिटी एक्सप्रेसका  भने रू. ४० करोड रहेको छ ।

विशेष साधारण सभामार्फत प्रस्ताव पारित गरेपश्चात अब नेपाल राष्ट्र बैंक र कम्पनी रजिष्ट्रारको कार्यालयले एकीकृत कारोबारका लागि स्वीकृति दिएपछि मात्र यी दुई कम्पनी एक भएर अघि बढ्ने छन् ।

प्रतिक्रिया [0]
प्रतिक्रिया दिनुहोस्