ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

माउण्टेन इनर्जीको आईपीओमा आवेदन दिने बिहीवार अन्तिम दिन 

२०७७ असोज, २९  
लगानी
Image Not Found
author avatar अभियान संवाददाता

असोज २९, काठमाडौं । माउण्टेन इनर्जी नेपाल लिमिटेडको आईपीओमा आवेदन दिने असोज २९ गते बिहीवार अन्तिम दिन रहेको छ ।

कम्पनीले आयोजना प्रभावित नुवाकोट र म्याग्दी जिल्लाका स्थानियका लागि ३१ गतेदेखि रू. १९ करोड ६८ लाख २ हजार ७०० बराबरको १९ लाख ६८ हजार २७ कित्ता आईपीओ विक्री खुला गरेको हो । 

कम्पनीले पहिलो चरणमा आयोजना प्रभावित स्थानीयको लागि आईपीओ विक्री खुला गरेको हो भने दोस्रो चरणमा सर्वसाधारणका लागि पनि सोहि रकम बराबरको आईपीओ विक्री गर्नेछ ।

स्थनिय र सर्वसाधारणका लागि गरि कुल  रू. ३९ करोड ३६ लाख ५ हजार ४०० बराबरको ३९ लाख ३६ हजार ५४ कित्ता आईपीओ निष्कासन गर्न नेपाल धितोपत्र बोर्डबाट कम्पनीले असार २५ गतेनै अनुमति पाएको हो । 

उक्त आईपीओ खरीदका लागि न्यूनतम १० कित्तादेखि अधिकतम २० हजार कित्तासम्म माग गर्न सकिने व्यवस्था छ । कम्पनीले आयोजना प्रभावित स्थानियका लागि छुट्याएको कुल कित्तामध्य नुवाकोट र म्याग्दी जिल्लाको अति प्रभावितको लागि ६० प्रतिशत र प्रभावितका लागि ४० प्रतिशत शेयर छ्ट्याएको छ ।

यो आइपीओ विक्री प्रबन्धकमा नबिल इन्भेष्टमेण्ट बैंकिङ्ग लिमिटेड र सीबीआईएल क्यापिटल लिमिटेड रहेका छन् । कम्पनीको आईपीओलाई केयर रेटिङ्ग नेपालले वित्तीय अवस्था औषतभन्दा कमजोर रहेको संकेत गर्ने केयर एनपी ग्रेड ४ प्रदान गरेको छ । 

यस कम्पनीले नुवाकोट जिल्लामा ५ मेगावाट क्षमताको तादीखोला जलविद्युत् आयोजना निर्माण कार्य सम्पन्न गरि व्यवसायिक उत्पादन सुरु गरि सकेको छ भने म्याग्दी जिल्लामा ४२ मेगावाट क्षमताको मिस्ट्रीखोला जलविद्युत् आयोजना निर्माण गरिरहेको छ । 

तादीखोला जलविद्युत् आयोजनाको प्रतिमेगावाट लागत रू. १८ करोड ४९ लाख १६ हजार रहेको छ भने मिस्ट्रीखोला जलविद्युत् आयोजनाको कुल अनुमानित लागत प्रति मेगावाट रू. १३ करोड ४३ लाख ४८ हजार रहेको छ ।  

उक्त कम्पनीको प्रतिशेयर नेटवर्थको आधारमा धितोपत्र दोस्रो बजारमा मूल्य रेञ्ज तोकिनेछ । कम्पनीको प्रतिशेयर नेटवर्थ २०७६ चैत मसान्तसम्मको अपरिस्कृत वित्तीय विवरण अनुसार रू. ११८ दशमलव ३२ रहेको छ । आर्थिक वर्ष २०७६/७७ सम्ममा कम्पनीले प्रतिशेयर नेटवर्थ रू. १२३ दशमलव ४० कायम गर्ने प्रक्षेपण गरेको छ ।

उक्त कम्पनीले गत आर्थिक वर्ष २०७६/ ७७ सालमा रू. ४६ करोड ४ लाख ८९ हजार खुद नाफा गरेको छ । यो अवधिमा कम्पनीको प्रतिशेयर आम्दानी रू. ११ दशमलव ५५ रहेको छ ।

प्रतिक्रिया [0]
प्रतिक्रिया दिनुहोस्