ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

इलाममा पर्यटकको चहलपहल शुरू

२०७७ कार्तिक, २  
प्रदेश ०१
NA

इलाम । इलाममा आन्तरिक पर्यटकको चहलपहल बढेको छ । लामो समयको बन्दाबन्दीका कारण सुनसान भएको इलामको पर्यटकीय स्थलहरूमा पछिल्ला दिनहरूमा आन्तरिक पर्यटहकको चहलपहल बढ्न थालेको हो । बन्दाबन्दी खुलेसँगै यातायात सञ्चालनमा आएको र अनुकूल मौसम भएकाले यहाँका पर्यटकीय स्थाल कन्याम, अन्तु र माइपोखरीलगायत घुम्न आउने आन्तरिक पर्यटक बढ्न थालेका छन् ।

मौसममा सुधार भएसँगै पर्यटकको आगमन बढेको कन्यामका होटल व्यवसायी टेकराज गिरीले बताए । ‘यहाँ आउने पर्यटकलाई स्वास्थ्य सुरक्षा सतर्कता अपनाएर घुम्न आग्रह गर्ने गरिएको छ,’ उनले भने, ‘हामीले पनि स्वास्थ्य मापदण्डको पूर्ण पालना गर्ने गरी सेवा प्रदान गरेका छौं ।’ उनका अनुसार चिया बगान घुम्न, हिमाली क्षेत्रको दृश्यावलोकन र घोडचढी गर्न तथा विभिन्न जातजातिको भेषभूषमा सजिएर तस्वीर लिन यहाँ पर्यटक आउन थालेका छन् ।

अन्तुमा पनि आउने पर्यटकले यतिखेर यहाँका घरवास (होमस्टे)मा भरिएको छ । स्वास्थ्य सुरक्षा मापदण्ड अपनाएर सेवा दिन थालिएको अन्तुका होमस्टे व्यवसायी रुद्र घिमिरेले बताए । उनका अनुसार भीडभाड नहुने गरी होमस्टे, कटेज र होटलमा पर्यटकलाई राख्ने व्यवस्था मिलाइएको छ । अन्तुमा पर्यटक बढेपछि वडा कार्यालयले समेत स्वास्थ्य मापदण्ड अपनाउन व्यवसायी र पर्यटकलाई आग्रह गरेको छ । प्रदेश नं १ सरकारले पर्यटकीय नगरी घोषणा गरेको सूर्योदय नगरपालिकाको कन्याम, अन्तुलगायत स्थानमा पर्यटकको चहलपहल बढ्न थालेको छ, जसले गर्दा पर्यटन व्यवसायी उत्साहित भएका छन् । पर्यटन व्यवसाय सञ्चालनमा आएपछि अब कम्तीमा बैंकको ऋण र ब्याज बुझाउन सकिने अपेक्षा उनीहरूले गरेका छन् । रासस

प्रतिक्रिया [0]
प्रतिक्रिया दिनुहोस्