ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

सहकारीमा संस्थागत सुशासनको पहल

२०७७ कार्तिक, २५  
१० वर्ष अघि
NA

अर्थमन्त्रालयले ठूला खालका बचत तथा ऋण सहकारी संस्थाहरुमा वित्तीय सुशासन कायम गराउने कार्य अगाडि बढाउने भएको छ ।  मन्त्रालयको आन्तरिक कार्य विभागले गत शुक्रबार सहकारी विभागलाई पत्र लेखेर संस्थागत सुशासन सुधार गर्न आवश्यक तयारी गर्न निर्देशन दिएको छ । मन्त्रालयले १ अर्बभन्दा बढीको कारोबार गर्ने सहकारीको अनुगमन प्रतिवेदन मन्त्रालयमा बुझाउन समेत निर्देशन दिएको छ । विभागले केही समयअघि कान्तिपुर, मिलन, ओरिएन्टललगायतका ठूला सहकारीको अनुगमन गरेको थियो  ।

अनुगमनपछि ती सबै सहकारीहरूका वित्तीय अराजकता रहेको भन्ने आशयसहितको प्रतिवेदन अर्थ मन्त्रालयलाई समेत बुझाएको थियो । त्यसलगत्तै मन्त्रालयले अनुगमनको अन्तिम प्रतिवेदन बुझाउन र ती सहकारीहरूमाथि कारबाही गर्न निर्देशन दिएको थियो । तर विभागले कारबाहीमा ढिलाइ गरेपछि मन्त्रालय आफैले ताकेता गरेको हो । मन्त्रालयको आन्तरिक कार्य विभागका प्रमुख सहसचिव टंकमणि शर्माले ठूला सहकारीहरूमा सुशासन कायम गराउन कारबाही सुरु गरिने जानकारी दिए ।

पर्यटन वर्षका लागि २२ करोड माग
नेपाल पर्यटन बोर्डले पर्यटन वर्ष २०११ का लागि रू. २२ करोड माग गरेको छ । पर्यटन वर्षमा आयोजना हुने कार्यक्रमहरूका लागि रू. २२ करोड आवश्यक पर्ने भएकाले आर्थिक वर्ष २०६७/६८ को बजेटमा सो रकम समावेश गर्न अनुरोध गरिएको बोर्डका निर्देशक सुवास निरौलाले बताए ।

चालू आवमा पर्यटन वर्षको तयारीका लागि रू. २ करोड तथा अघिल्लो वर्षमा रू. १ करोड विनियोजन गरिएको थियो ।

वर्ष ५, अंक ३४, २०६७, वैशाख १३–१९

प्रतिक्रिया [0]
प्रतिक्रिया दिनुहोस्