ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

धानको मूल्य

२०७७ कार्तिक, २८  
पाठक विचार
NA

सरकारले धानको समर्थन मूल्य तोके पनि कसैले त्योभन्दा महँगोमा बेच्न पाए भने कतिपयले त्यो मूल्य पाउन सकेका छैनन् । विगतभन्दा यस वर्ष धानको उत्पादन बढेको छ । तर, उत्पादन बढे पनि यस वर्ष पनि किसानले दुःख गरेअनुसार धानको मूल्य नपाएको गुनासो गरेका छन् ।

सरकारले मध्यम धानको न्यूनतम मूल्य प्रतिक्विन्टल साढे २ हजार ८ सय ८५ रूपैयाँ तोकेको छ । तर, केही किसानले अधिकतम मूल्य २ हजार २ सय ५० मात्रै पाएका छन् । अर्थात् सरकारले तोकेभन्दा साढे ६ सय रूपैयाँ कममा उनीहरूको धान बेच्नु परेको छ ।

किसानहरूले सरकारले तोकको धानको समर्थन मूल्य थाहा नपाएका होइनन् । तर, पछि के होला भनेर उनीहरू सस्तोमा नै धान बेच्न बाध्य भएका छन् । किसानले सबै व्यवहार चलाउने धानबाट नै हो । मूल्य धेरै दिन सरकार र सहकारी नआएपछि व्यवहार धान्नका लागि सस्तोमा नै बेच्न बाध्य हुनुपरेको छ । धान भण्डारण गरेको राख्न र आप्mनो गर्जो टार्न विकल्प नभए पनि जति मूल्यमा पाइन्छ त्यतिमै धान बेच्नुपर्ने बाध्यता किसानहरूलाई छ । सरकारले आपूmले तोकेको मूल्यमा धान खरीद गर्ने बताए पनि त्यो सुविधा केही ठाउँका किसानले मात्रै पाएका छन् ।

 स्थानीय व्यापारीले किसानहरूलाई विभिन्न लोभ देखाएर तथा समसया देखाएर उनीहरूबाट सस्तोमा धान खरीद गर्छन् । किसान नत धैर्य गर्न सक्ने अवस्था छन्, न त पछि व्यापारीले किनेन् भने सरकारले किनिदेला भन्ने विश्वास नै छ । त्यसैले उनीहरू व्यापारीले तोकेकै मूल्यमा बेचेका छन् ।

सरकारले गत असारमा धान लगाउनुअगावै पहिलोपटक समर्थन मूल्य तोकेको थियो । तर, लगाउनुपूर्व नै समर्थन तोकिएको भन्दै निकै चर्चा भयो । सरकारको प्रशंसा पनि भयो तर किसानले धानको मूल्य व्यापारीले जतिमा भन्छ त्यतिमा बेच्न बाध्य भए । यसले सरकारको काम चर्चाका लागि मात्रै भएको देखाउँछ ।

हरि अधिकारी
कलंकी, काठमाडौं

प्रतिक्रिया [0]
प्रतिक्रिया दिनुहोस्