ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

कुश्मा बजारका सडक धमाधम कालोपत्र हुँदै

२०७७ मंसिर, १  
गण्डकी प्रदेश
Image Not Found

मंसिर १, पर्वत । जिल्ला सदरमुकाम कुश्मा बजारभित्रका मुख्य सडकहरुमा कालोपत्र बिच्छ्याउने कार्य शुरु भएको छ । 

संघीय सरकारको शहरी विकास कार्यालयमार्फत नगर क्षेत्रको बजारभित्रको झण्डै तीन किलोमिटर सडकखण्डमा कालोपत्र बिच्छ्याउने कार्य शुरु भएको हो । 

नगरभित्रका मुख्य तथा भित्री सडकको स्तरोन्नति र कालोपत्रको कामलाई तीव्रता दिइएको कुश्मा नगरपालिकाका प्रमुख रामचन्द्र  जोशीले बताए । 

नगरभित्रको तीन किलोमिटर सडक चालू आर्थिक वर्षभित्रै सक्नेगरी शिवालयचोक, धनेश्वरचोक, मैत्रीचोक, मेलमिलापचोकलगायतका क्षेत्रमा सडक विस्तार र कालोपत्रको कामलाई तीव्रता दिइएको हो ।

बजारक्षेत्रका मुख्य सडक आठ मिटर चौडा पारेर कालोपत्र गर्न सहरी विकास तथा पूर्वाधार विकास विभागबाट काम भइरहेको छ । मुख्य बजारमै भएको साँघुरो सडक र स्थानीयवासीले सडक मिचेर बनाएका पेटी भत्काएर फराकिलो पार्दै सडकमा कालोपत्र बिच्छ्याउने काम अघि बढेको छ ।  

नगरको मुख्य र भित्री बजारका सबैजसो सडक न्यूनतम आठ मिटर चौडा बनाउने गरी सडक विस्तारमा जुटेको नगर प्रमुख जोशीले बताए । यद्यपि कतिपय स्थानमा भने मापदण्ड नपुगेर सडक विस्तार गरिएको छैन ।

पहिलो चरणमा रिङरोडको सडकका घरटहरा भत्काइसकिएकाले अब सडक चौडा पारेर मुख्य काम शुरु गरिएको नगर प्रमुख जोशीले बताए । ‘बजारका सबै सडकको न्यूनतम मापदण्डानुसार चौडा पार्ने काम सकियो’, उनले भने, ‘अहिले दोस्रो चरणका काममा अघि बढेका छौँ ।’

शाखा सडकहरू यसअघि पाँच मिटर कायम गरिएकोमा नगरपालिका कार्यान्वयनपछि आठ मिटरको मापदण्ड बनाएर फराकिलो पार्ने योजना बनाइएको छ तर केही पक्की घरहरु पहिले नै बनेका कारण बजार क्षेत्रका सबै सडक आठ मिटरको कायम भने हुन नसकेको नगरप्रमुख जोशीको भनाइ छ ।

सडकमा कालोपत्र बिच्छ्याउने काम शुरु भए पनि बजार क्षेत्रका केही मुख्य सडक भने यस पटक छुटेका छन् । सडकमा कालोपत्र र नाली बनाउनका लागि पर्याप्त बजेट नभएका कारण सबै सडक यसै पटक कालोपत्र गर्न नसकिएको जोशीले बताए । 

अहिले शिवालय चोकदेखि धनेश्वर चोक हुँदै प्रगति चोकबाट बडागाउँ र मैत्री चोकदेखि शिवालय माविसम्मको सडक मात्र कालोपत्रको काम भइरहेको छ । बाँकी सडकमा कालोपत्र बिच्छ्याउने कार्यका लागि संघ र प्रदेश सरकारकासँग समन्वय भइरहेको नगरप्रमुख जोशीले बताए । रासस

प्रतिक्रिया [0]
प्रतिक्रिया दिनुहोस्