ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

आईपीओ ल्याउने तयारीमा रहेको प्रभु लाइफ इन्स्योरेन्सको नाफा २.५ गुणा वृद्धि

२०७७ मंसिर, ३  
लगानी
Image Not Found
author avatar अभियान संवाददाता

मंसिर ३, काठमाडौं ।   प्रभु लाइफ इन्स्योरेन्स कम्पनीले चालू आवको पहिलो त्रैमासिक वित्तीय विवरण सार्वजानिक .गरेको छ । 

वित्तीय विवरण अनुसार गत आवको पहिलो त्रैमासको तुलनामा चालू आवको पहिलो त्रैमासमा कम्पनीको नाफा २ दशमलव ५ गुणा वृद्धि भएको हो । कम्पनीले गत आवको पहिलो त्रैमासमा रू. १ करोड २२ लाख मुनाफा आर्जन गरेकोमा चालू आवको सोही अवधिमा वृद्धि भएर रू.३ करोड ९ लाखभन्दा बढी नाफा कमाएको छ । 

चालू आवको पहिलो त्रैमासमा कम्पनीको आम्दानीमा वृद्धि भएकाले नाफा बढेको हो । गत आवको पहिलो त्रैमासमा कम्पनीले रू. ३ करोड २९ लाख ८२ हजार आम्दानी गरेकोमा चालू आवको सोही अवधिमा वृद्धि भएर रू. ४ करोड १३ लाख ११ हजार पुगेको छ । 

उक्त कम्पनीले ६० लाख कित्ता आईपीओ निष्कासन गर्नको लागि नियामक निकाय नेपाल धितोपत्र बोर्डमा निवेदन दिएको छ । बोर्डबाट स्वीकृती पाएपछि कम्पनीले आईपीओ निष्कासन गर्नेछ ।  विक्री प्रबन्धकमा सिद्धार्थ क्यापिटल लिमिटेड रहेको छ ।

हाल कम्पनीको चुक्तापूँजी रू. १ अर्ब ४० करोड रहेको छ । आईपीओ निष्कासन गरी बाँडफाँट गरेपछि पूँजी रू. २ अर्ब पुग्नेछ ।  चालू आवको पहिलो त्रैमाससम्ममा कम्पनीले जगेडा कोषमा रू. २३ करोड ९१ लाख, जीवन बीमा कोषमा रू. १ अर्ब १९ करोड ४९ लाखभन्दा बढी सञ्चित गरेको छ । 

सो अवधिमा कम्पनीले रू. २५ करोड ९७ लाखभन्दा बढी बीमा शुल्क आर्जन गरेको छ  । गत आवको तुलनामा बीमाशुल्क ९५ प्रतिशत वृद्धि भएको छ । चालू आवको पहिलो त्रैमासमा कम्पनीले ५८ जनालाई रू. ६१ लाख ६८ हजार दाबी भुक्तानी गरेको छ भने २ जनालाई रू.४१ लाख दाबी भुक्तानी गर्न बाँकी रहेको छ ।
 

प्रतिक्रिया [0]
प्रतिक्रिया दिनुहोस्