ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

कोभिड–१९ विरोधी खोपको सफलता सम्बन्धी खबरले बढायो तेलको भाउ

२०७७ मंसिर, ८  
अन्तरराष्ट्रिय
Image Not Found

मंसिर ८, लन्डन (बेलायत) । अन्तरराष्ट्रिय बजारमा कच्चा तेलको भाउ बढेको छ ।

एक पछि अर्को गर्दै कोरोना भाइरस विरोधी खोपको क्लिनिक परिक्षणको सफलता सम्बन्धी खबरहरु सार्वजनिक भएसँगै सोमवार कच्चा तेलको भाउ १ प्रतिशतभन्दा धेरैले बढेको हो । प्रमुख तेल निर्यातकर्ता देशहरुको संगठन (ओपेक) र समुह बाहिरका रुसलगायत अन्य उत्पादकहरुको समुह (ओपेक प्लस) ले उत्पादन कटौतीसम्बन्धी सम्झौताको अवधि लम्ब्याउने अपेक्षाले पनि तेल बजारले टेवा पाएको हो । 

सोमवार लन्डनस्थित आईसीई एक्सचेञ्जको कोमेक्स डिभिजनमा ब्रेन्ट क्रुडको भाउ प्रतिब्यारेल ९४ सेन्टले बढेर ४५ डलर ९० सेन्टमा पुगेको थियो । न्यूयोर्क मर्कन्टाइल एक्सचेञ्जको कोमेक्स डिभिजनमा अमेरिकी बेञ्चमार्क वेष्ट टेक्सस इन्टरमिडियटको भाउ पनि प्रतिब्यारेल ७६ सेन्टले बढेर ४३ डलर १८ सेन्टसम्म पुगेको थियो । 

कोभिड–१९ विरोधी खोपको विकासमा सफलता हात परिरहेको समाचारले तेलको माग परिदृश्य सुध्रिरहेको छ । अमेरिकाले एक दुई दिनमै खोप प्रयोगको लागि अनुमति दिने संकेत मिलेको छ ।

बेलायती औषधि निर्माता कम्पनी अस्त्रजेनेका र अक्सफोर्ड विश्व विद्यालयले बनाएको कोभिड–१९ विरोधी खोप ७० प्रतिशत प्रभावकारी पाइएको छ । 
नोभेम्बर ३० मा बस्ने ओपेक प्लसको दुई दिने बैठकमा उतपादन कटौती जनवरी देखि कम्तिमा पनि तीन महीना थप गर्ने अपेक्षा गरिएको छ । एजेन्सी
 

प्रतिक्रिया [0]
प्रतिक्रिया दिनुहोस्