ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

निजीक्षेत्रप्रति भाषणमा माया, व्यवहारमा उपेक्षा

२०७७ मंसिर, १२  
पाठक विचार
NA

उद्योग वाणिज्य महासंघको साधारणसभामा बोल्दै प्रधानमन्त्री केपी शर्मा ओलीले निजीक्षेत्रले सरकारले भन्दा राम्रो गरेको भन्दै प्रशंसा गर्नुभयो । नयाँ कारोबार क्षेत्र पत्ता लगाउने र त्यसलाई अघि बढाउने काम निजीक्षेत्रले गरेको उहाँको भनाइ थियो । निजीक्षेत्रको सफलता नै सरकारको सफलता भएको प्रधानमन्त्री ओलीको भनाइले सरकार निजीक्षेत्रप्रति अत्यन्तै उदार रहेको देखिन्छ । अझ उहाँले निजीक्षेत्रलाई सफल बनाउन सरकारले सहयोग गर्ने बताउनुभयो र निजीक्षेत्रका व्यवसायीहरूले ताली बजाए । तर, प्रधानमन्त्री वा मन्त्रीले निजीक्षेत्रका बारेमा जति प्रशंसा गरे पनि र व्यवसायीले जति ताली बजाए पनि सरकारले निजीक्षेत्रलाई फटाहा व्यापारीका रूपमा मात्र हेर्ने गरेको पाइन्छ ।

प्रधानमन्त्री ओलीले कोरोनाका कारण निकै नराम्रो अवस्थामा पुगेको देशको अर्थतन्त्रको पुनरुत्थानमा निजीक्षेत्रको भूमिका निकै महŒवपूर्ण हुने बताउनुभयो । नेपाल सरकारले आर्थिक अवस्थाका कारण राहत दिन नसकेको स्वीकार्नुभयो । तर, सरकारले खर्च कटौती गरेर अर्थतन्त्र जोगाउन सक्थ्यो, सहुलियत दिन सक्थ्यो, नीतिगत सहजता बनाइदिन सक्थ्यो । यी सबै काम नगर्ने सरकारले पैसा नभएकाले सहयोग गर्न सकिएन भन्नु अरूलाई मूर्ख बनाउन प्रयास गर्नुमात्रै हो । व्यवसायीहरूले विकसित देशहरूले दिएको जस्तो सहयोग खोजेका पनि छैनन् ।

निजीक्षेत्रलाई सबल बनाउन ऐन, नियम बनाउनेलगायत सहयोगका कामहरू सरकारले गर्ने कुरा प्रधानमन्त्रीले जति दोहा¥याए पनि जति छिटो ऐनकानून बनाउन सकिन्थ्यो त्यो गतिमा सरकारले काम नगरेको सबैले अनुभव गरेको विषय हो ।

निजीक्षेत्रले नेपालीलाई विदेशमा लगानी गर्न दिनुपर्छ, जसले गर्दा नेपाली लगानीकर्ताको आत्मविश्वास बढ्छ र विदेशी लगानी भिœयाउन पनि सहज हुन्छ भनेर आवाज उठाइरहेको छ । तर, प्रधानमन्त्रीले विदेशमा लगानी गर्न खोज्नेलाई निरुत्साहित गर्नुभयो । केही हदसम्म यो भनाइ ठीक होला तर सरकारले लगानीका लागि जति नै सहजीकरण गरेको भने पनि यथार्थमा त्यो अनुभूति लगानीकर्ताले गर्न पाएका छैनन् । त्यही भएर पैसा भएर पनि नेपालीले लगानी गरिरहेका छैनन् ।

सरकारले उद्योग व्यवसाय गर्ने वातावरण बनाउनुपर्छ, निजीक्षेत्रको विश्वास बढाउनुपर्छ र लगानी गर्न अप्ठ्यारो पारेको गाँठो फुकाइदिनुपर्छ । तर, यस्तो नहुँदा सरकारले निजीक्षेत्रको जति नै प्रशंसा गरे पनि त्यो पत्यारिलो लाग्ने गरेको छैन ।

सोमेश कायस्थ
कालीमाटी, काठमाडौं ।

प्रतिक्रिया [0]
प्रतिक्रिया दिनुहोस्