ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

सिद्धार्थ म्युचुअल फण्ड अन्तर्गत सञ्चालित दुवै योजनाको प्रतिइकाई खुद मूल्य बढ्यो

२०७७ मंसिर, १२  
लगानी
Image Not Found
author avatar अभियान संवाददाता

मंसिर १२, काठमाडौं । सिद्धार्थ म्युचुअल फण्ड अन्तर्गत सञ्चालित दुवै योजनाको प्रतिइकाई खुद मूल्यमा वृद्धि भएको छ । सिद्धार्थ इन्भेष्टमेण्ट ग्रोथ स्किम २ र सिद्धार्थ इक्विटीफण्डको प्रतिइकाई खुद मूल्य बढेको हो । 

सिद्धार्थ इन्भेष्टमेण्ट ग्रोथ स्किम २ को असोज मसान्तसम्ममा प्रतिइकाई खुद मूल्य रू. ११ दशमलव ४९ रहेकोमा कात्तिक मसान्तसम्ममा रू. १२ दशमलव १९ पुगेको हो । 

त्यसैगरी, सिद्धार्थ इक्विटी फण्डको कात्तिक मसान्तसम्म प्रतिइकाई खुद मूल्य रू. १२ दशमलव २८ पुगेको छ । यो मूल्य असोज मसान्तमा रू. ११ दशमलव ५६ थियो । कात्तिक मसान्तसम्म दुवै योजनाको प्रतिइकाई खुद मूल्य बढेसँगै नाफा पनि बढेको छ ।  

सिद्धार्थ इक्विटी फण्डले असोज मसान्तसम्म रू. १९ करोड १२ लाख ५३ हजार नाफा कमाएकोमा कात्तिक मसान्तसम्म वृद्धि भएर रू. २९ करोड ९४ लाख ५१ हजार पुगेको हो । त्यसैगरी, सिद्धार्थ इन्भेष्टमेण्ट ग्रोथ स्किम २ ले कात्तिक मसान्तसम्म रू. १९ करोड ३७ लाख ७२ हजार नाफा कमाएको छ । यस योजनाले असोज मसान्तसम्ममा रू. १० करोड ९१ लाख ७५ हजार नाफा कमाएको थियो ।  

कात्तिक मसान्तमा दुवै योजनाको लगानीको लागत मूल्यभन्दा बजार मूल्यमा बढी रहेको छ । सिद्धार्थ इक्विटी फण्डले कात्तिक मसान्तसम्म सूचीकृत तथा सूचीकृत नभएका शेयर, डिबेञ्चर तथा मुद्धति निक्षेपमा भएको लगानीको लागत मूल्य रू. १ अर्ब १० करोड ४८ लाख २२ हजार रहेकोमा यसको बजार मूल्य रू. १ अर्ब ३३ करोड ४२ लाख ४३ हजार रहेको छ । 

त्यसैगरी सिद्धार्थ इन्भेष्टमेण्ट ग्रोथ स्किम २ ले कात्तिक मसान्तसम्म सूचीकत तथा सूचीकृत नभएका शेयर, डिबेञ्चर तथा मुद्धति निक्षेपमा भएको लगानीको लागत मूल्य रू. ८५ करोड ६ लाख १६ हजार रहेकोमा यसको बजार मूल्य रू. १ अर्ब ३ करोड ४३ लाख पुगेको छ । कात्तिक मसान्त सम्ममा दुवै योजनाले लगानी गरेको कम्पनीहरुको शेयर मूल्यमा बढेसँगै नाफा सँगै प्रतिइकाई खुद मूल्यमा वृद्धि भएको हो ।

प्रतिक्रिया [0]
प्रतिक्रिया दिनुहोस्