ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

६० लाख कित्ता आईपीओ निष्कासन गर्न प्रभु लाइफलाई धितोपत्र बोर्डले दियो अनुमति 

२०७७ मंसिर, १२  
लगानी
Image Not Found
author avatar अभियान संवाददाता

मंसिर १२, काठमाडौं । नेपाल धितोपत्र बोर्डले प्रभु लाइफ इन्स्योरेन्स कम्पनीलाई आईपीओ विक्री गर्न अनुमति दिएको छ । बोर्डले उक्त कम्पनीलाई रू. ६० करोड बराबरको ६० लाख कित्ता आईपीओ सर्वसाधारणमा विक्री गर्न मंसिर ११ गते अनुमति दिएको हो । 

उक्त कम्पनीले गत असोज १४ गते आईपीओ निष्कासनको अनुमति माग्दै बोर्डमा निवेदन दिएको थियो । हाल रू. १ अर्ब ४० करोड चुक्तापूँजी रहेको कम्पनीको आईपीओ निष्कासन पश्चात चुक्तापूँजी रू. २ अर्ब पुग्नेछ । 

नयाँ बीमा कम्पनीको रुपमा विसं २०७४ साल मंसिर २८ गतेदेखि उक्त कम्पनीले औपचारिक रुपमा कारोबार शुरु गरेको हो । बीमा समितिले जीवन बीमा कम्पनीको लागि तोकेको चुक्तापूँजी उक्त कम्पनीले आईपीओ विक्री पश्चात कायम गर्नेछ । कम्पनीको आईपीओ विक्री प्रबन्धकमा सिद्धार्थ क्यापिटल लिमिटेड रहेको छ । 

चालू आर्थिक वर्षको पहिलो त्रैमाससम्म उक्त कम्पनीले रू. ३ करोड ९ लाख २४ हजार खुद नाफा गरेको छ । यो रकम गत वर्षको यस अवधिमा रू. १ करोड २२ लाख ९४ हजार थियो । नाफा वृद्धि गर्दै गएको कम्पनीले यस वर्षको पहिलो त्रैमाससम्म रू. २५ करोड ९७ लाख ९१ हजार कुल बीमाशुल्क आर्जन गरेको छ भने रू. ६१ लाख ६८ हजार कुल दाबी भुक्तानी गरेको छ । 

हाल कम्पनीमा १ लाख २० हजार ४६९ बीमालेख कायम रहेको छ । यस वर्षको पहिलो त्रैमासमा मात्र कम्पनीले २२ हजार ५९४ बीमालेख कायम गरेको हो । यस अवधिसम्म कम्पनीको जगेडा कोष रकम रू. २३ करोड ९१ लाख ७९ हजार रहेको छ भने जीवन बीमा कोषमा रू. १ अर्ब १९ करोड ४९ लाख ८५ हजार रहेको छ । 

प्रतिक्रिया [0]
प्रतिक्रिया दिनुहोस्