ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

सातामा ३१ अर्बभन्दा बढीको शेयर कारोबार, परिसूचक ११५.१२ अंक माथि उक्लियो 

२०७७ मंसिर, १३  
लगानी नेप्से विश्लेषण
Image Not Found
author avatar अभियान संवाददाता

मंसिर १३, काठमाडौं । यो साताको कारोबारमा शेयर बजारले ऐतिहासिक रेकर्ड कायम गरेको छ । बजार हालसम्मकै उच्च विन्दुमा पुग्नुका साथै यो साता सर्वाधिक रकम बराबरको सर्वाधिक कित्ता शेयर शेयर कारोबार भएको छ । 

साताको अन्तिम कारोबार दिन नेपालको शेयरबजारले १ हजार ८९३ दशमलव २४ विन्दु कायम गरेको हो । यस अघिको ऐतिहासिक १ हजार ८८१ विन्दु पार गर्न यो साता नेपालको शेयर बजार सफल भएको छ । 

गत साताको तुलनामा यो साता नेप्से परिसूचक ११५ दशमलव १२ अंक माथि उक्लिएको हो । गत साताको अन्तिम कारोबार दिन मंसिर ४ गते बिहीवार नेप्से परिसूचक १ हजार ७७८ दशमलव १२ विन्दुमा थियो । 

साताको पाँच कारोबार दिनमा दोस्रो कारोबार दिन नेप्से २ दशमलव ३८ अंकले सामान्य करेक्सन भएको थियो । साताको पहिलो दिन ४ दशमलव ६९, तेस्रो दिन २९ दशमलव ६८, चौथो दिन ६४ दशमलव ७० र पाँचौ दिन १८ दशमलव ४३ अंकले बजार बढेको हो । 

नेप्से परिसूचकसँगै सेन्सेटिभ इन्डेक्स पनि यो साता २२ दशमलव ११ अंकले बढेको छ । ठूला कम्पनीहरुको मात्र कारोबार मापन गर्ने यो इन्डेक्स ३६५ दशमलव १८ विन्दुमा पुगेको हो ।

परिसूचकमा मात्र हैन कारोबार रकमले पनि ऐतिहासिक रेकर्ड कायम गर्दा नेपालीहरुले पछिल्लो समय पूँजीबजारलाई विश्वास गरेको देखिन्छ । यो साता हालसम्मकै उच्च रकमको शेयर कारोबार भएको छ । पाँच कारोबार दिनमा रू. ३१ अर्ब ५४ करोड ३१ लाख ८८ हजार बराबरको ७ करोड ५८ लाख ३८ हजार ८६४ कित्ता शेयर कारोबार भएको हो ।

गत साता तिहारको बन्द पछि खुलेको बजारमा दुई दिनमात्र कारोबार भएको थियो । गत साता दुई दिनको कारोबारमा पनि रू. १० अर्ब ९० करोड ७७ लाख ७७ हजार बराबरको २ करोड ५७ लाख ३७ हजार ३८२ कित्ता शेयर कारोबार भएको थियो ।

नेप्से परिसूचक करीब १ हजार ९०० विन्दुमा पुग्न लाग्दा नेपालको शेयर बजारको आकार अर्थात कुल बजार पूँजीकरण रू. २५ खर्ब ३७ अर्ब ४४ करोड २० लाख पुगेको छ । यो साता बजारको आकार रू. १ खर्ब ५४ अर्ब ७३ करोड २० लाखले बढेको हो ।

साताको बजारमा देखिएको परिवर्तनको अवस्था :

                                                                                               स्रोत : नेपाल स्टक एक्सचेञ्ज (नेप्से)

सर्वाधिक रकमको कारोबार गर्ने १० ओटा कम्पनीहरु :

यो साता सर्वाधिक रकमको शेयर कारोबार नेपाल पुनर्बीमा कम्पनीको भएको छ । कम्पनीको रू. २ अर्ब ८० करोड बराबरको शेयर खरीदविक्री भएको हो । सर्वाधिक रकमको शेयर कारोबारसँगै कम्पनीको शेयरमूल्य पनि यो साता उच्च दरमा बढेको छ । 

गत साताको अन्तिम कारोबार दिन प्रतिकित्ता रू. १ हजार ११० रहेको कम्पनीको शेयरमूल्य यो साताको अन्तिम दिन रू. १ हजार ३३९ पुगेको हो । सातामा कम्पनीको शेयरमूल्य रू. २२९ ले बढेको हो । यो साता चार ओटा वाणिज्य बैंकहरु नेपाल बैंक, एनआईसी एशिया, नबिल बैंक र प्रभु बैंक सर्वाधिक रकमको कारोबार गर्ने दश कम्पनीभित्र परेका छन् । 

त्यस्तै नेपाल दुरसञ्चार कम्पनी, नेपाल लाइफ इन्स्योरेन्स, हिमालयन डिष्टिलरी, शिवम् सिमेण्ट्स र नेको इन्स्योरेन्स पनि सर्वाधिक रकमको कारोबार गर्ने १० ओटा कम्पनीभित्र रहेका छन् ।

                                                                                                    स्रोत : नेपाल स्टक एक्सचेञ्ज (नेप्से)                                                

सर्वाधिक बजार पूँजीकरण भएका १० ओटा कम्पनीहरु (रकम रू. १० लाख)

धितोपत्र दोस्रो बजारमा सूचीकृत कम्पनीहरुमध्ये सर्वाधिक कुल बजार पूँजीकरण यो साता पनि नेपाल पुनर्बीमा कम्पनीकै कायम भएको छ । यस कम्पनीको कुल बजार पूँजीकरण रू. १ खर्ब ६३ अर्ब ३५ करोड पुगेको हो । 

पछिल्लो अन्तिम कारोबार दिन नेपाल दूरसञ्चार कम्पनीको अन्तिम शेयरमूल्य प्रतिकित्ता रू. १ हजार ८९ पुगेको छ । यस कम्पनीको १५ करोड कित्ता शेयर धितोपत्र दोस्रो बजारमा सूचीकृत रहेको छ ।

त्यस्तै ६ करोड कित्ता शेयर सूचीकृत रहेको नेपाल पुनर्बीमा कम्पनीको कुल बजार पूँजीकरण रू. १ खर्ब ३३ अर्ब ९० करोड पुगेको छ । यो कम्पनी सर्वाधिक पूँजीकरण भएको कम्पनीमध्ये दोस्रो नम्बरमा रहेको छ ।

प्रतिक्रिया [0]
प्रतिक्रिया दिनुहोस्