ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

पोखरा पर्यटन परिषद्को अध्यक्षमा भट्टराई निर्विरोध निर्वाचित

२०७७ मंसिर, १४  
गण्डकी प्रदेश
Image Not Found
author avatar अभियान संवाददाता


मंसिर १४, कास्की । पोखरा पर्यटन परिषद्को अध्यक्षमा गोपीबहादुर भट्टराई निर्वाचित भएका छन् । शुक्रवार भएको परिषद्को ११ औं अधिवेशन तथा २०औं वार्षिक साधरण सभाबाट भट्टराईको अध्यक्षतामा नयाँ कार्य समिति सर्वसम्मत चयन भएको छ । 

परिषद्को उपाध्यक्षमा पोमनारायण श्रेष्ठ, महासचिवमा रामचन्द्र शर्मा, सचिवमा तारानाथ पहारी र कोषाध्यक्षमा कृष्ण काफ्ले चयन भएका छन् । सदस्यमा लक्ष्मण सुवेदी र शोभाकान्त पौडेल चयन भए । बाँकी २ सदस्य कार्य समितिको बैठकले चयन गर्नेछ ।

अधिवेशनको उद्घाटन गर्दै गण्डकी प्रदेशका मुख्यमन्त्री पृथ्वीसुब्बा गुरुङले पोखराको फेवातालको सिमांकनको काम तीन महीनाभित्र सक्ने दावी गरेका छन् । उनले लामो समयदेखि विवादित रुपमा रहेको सिमांकनको काम सकेर मुआब्जा वितरणमा लाग्ने बताए ।

मुख्यमन्त्री गुरुङले पूर्वराजाहरुले प्रयोग गर्दै आएको फेवाताल किनारमा अवस्थीत हिमागृह, रत्नमन्दिर सर्वसाधरणका लागि तीन महीनाभित्र खुला गर्ने बताए । नेपाल ट्रस्टको स्वामित्वमा रहेको ठाउँलाई पर्यटन स्थल हुने बताए ।

उद्घाटन समारोहमा गण्डकी प्रदेशका सांसद राजिव पहारी, परिषद्का संस्थापक अशोक पालिखे लगायतले अब पर्यटन विकासका लागि फरक योजनाहरु ल्याउनु पर्नेमा जोड दिएका थिए । 

प्रतिक्रिया [0]
प्रतिक्रिया दिनुहोस्