ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

यिल्ड कर्भ र नेपालको वित्तीय बजार

२०७७ मंसिर, १५  
१० वर्ष अघि
NA

सबैजसो विकासोन्मुख देशको वित्तीय क्षेत्रमा भरपर्दो यिल्ड कर्भको अभाव एउटा प्रमुख समस्या रहिआएको छ । नेपालले पनि अहिलेसम्म यिल्ड कर्भबाट लिन सकिने फाइदा पाउन सकेको छैन । यिल्ड कर्भ भनेको सम्बन्धित मुद्रामा आधारित ऋणपत्रको समयावधि र सो ऋणपत्रबीचको सम्बन्ध देखाउने वक्ररेखा हो । ब्याजदर भनेको ऋणपत्र जारी गर्नका लागि रकमवापतको लागत हो भने लगानीकर्ताका लागि त्यही ब्याजदर आफूले पाउने लाभ हो । लगानीकर्ताका लागि यिल्ड कर्भले बजारको अवस्था र सोअनुसार कारोबारको अवसर आकलन गर्न, अपेक्षित लाभको दर थाहा पाउन र भविष्यमा हुनसक्ने ब्याजदर तथा मुद्रास्फीतिको अनुमान गर्न सहयोग गर्दछ । ऋणपत्र जारी गर्नेका लागि भने यस कर्भले अब जारी हुने ऋणपत्रको मूल्यनिर्धारण गर्न तथा भविष्यमा जारी हुने सरकारी ऋणपत्रको मूल्य तथा लाभको भविष्यवाणी गर्न सहयोग गर्छ ।

यो कर्भको आकारले भविष्यमा ब्याजदर तथा आर्थिक क्रियाकलापमा हुन सक्ने परिवर्तनबारे संकेत गर्ने भएकाले यसको आकारमाथि गहन रूपमा निरन्तर निगरानी गरिन्छ । यिल्ड कर्भ मुख्य गरी तिन किसिमको हुन्छ, सामान्य, अधोमुखी र समानान्तर । वित्तीय उपकरणमा हुने जोखिम त्यसको समयावधिमा निर्भर हुन्छ । अर्थात् जति लामो समयावधि हुन्छ जोखिम पनि त्यति नै धेरै हुन्छ । सामान्य यिल्ड कर्भमा दीर्घकालीन ऋापत्रको ब्याजदर बढी र अल्पकालीन ऋणपत्रको ब्याजदर कम देखाइएको हुन्छ । अधोमुखी यिल्ड कर्भले यसको ठिक विपरीत अवस्था देखाउँछ अर्थात् यसले दीर्घकालीन भन्दा अल्पकालीन ऋणपत्रको लाभ बढी भएको देखाउँछ ।

(सुजित मुण्डुलको आलेखबाट)
वर्ष ५, अंक ३५, २०६७, वैशाख २०–२६

प्रतिक्रिया [0]
प्रतिक्रिया दिनुहोस्