ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

नेपाल भारत वाणिज्य सचिवस्तरीय बैठक सम्पन्न

नाकामा हुने अनधिकृत व्यापारमा कडाइ गरिने

२०७७ मंसिर, २३  
समाचार
Image Not Found
author avatar काशीराम बजगाईं

काठमाडौं । नेपाल भारत वाणिज्य सचिवस्तरीय व्यापार पारवहन तथा सहयोगसम्बन्धी अन्तरसरकारी समिति (आईजीसी) को बैठकले सीमामा हुने अनधिकृत व्यापारमा कडाइ गर्ने निर्णय गरेको छ । मङ्सिर १८ र १९ मा भएको सहसचिवस्तरीय बैठकका निर्णयलाई अघि बढाउन र थप नयाँ विषयमा छलफल गर्न सचिवस्तरीय बैठक गरिएको थियो ।

बैठकले सीमामा हुने अनधिकृत व्यापारलाई कडाइ गर्ने निर्णय गरेको छ । दुवै पक्षले आप्mनो क्षेत्रमा नाकामा कडाइ गरी अनधिकृत व्यापार रोक्ने निर्णय भएको हो । यसका लागि नाकामा अत्यावश्यक आधुनिक पूर्वाधारको निर्माण गरिने सहमति भएको मन्त्रालयकी सहायक प्रवक्ता उर्मिला केसीले जानकारी दिइन् । उनले भनिन्, ‘बैठकमा अनधिकृत व्यापार नियन्त्रण गर्न द्विपक्षीय प्रयास गर्ने सहमति भएको छ ।’

गत साता मात्र भारतीय उद्योगीहरूले भारतका उद्योग तथा वाणिज्यमन्त्री पीयूष गोयललाई भेटेर अनधिकृत रूपमा नेपाली उत्पादन भारत भित्रिएको भन्दै नियमन गर्न माग गरेका थिए । उनीहरूले तेलजन्य उत्पादनको आयातमा कडाइ गर्न र आयात हुने वस्तुमा नियमन नहुँदा भारतीय उद्योगहरू धराशयी भएको बताएका थिए । उद्योगीहरूको गुनासो सुन्दै भारतीय उद्योगमन्त्री गोयलले यसको समाधान गर्ने आश्वासन दिएका थिए ।

सोमवार भएको भर्च्युअल बैठकमा नेपालका तर्फबाट वाणिज्य तथा आपूर्ति मन्त्रालयका सचिव डा. वैकुण्ठ अर्याल र भारतका वाणिज्य सचिव अनुप बाधवा तथा नेपालका लागि भारतीय राजदूत विनयमोहन क्वात्रा सहभागी थिए । साथै, दुवै देशका विभिन्न मन्त्रालयका प्रतिनिधिहरू पनि संलग्न थिए ।

बैठकमा द्विदेशीय व्यापारको समीक्षा पनि गरिएको थियो । व्यापार तथा पारवहन सन्धिको बृहत् समीक्षासहित यसको पुनरवलोकन, रेलसेवा सम्झौताको संशोधन, लगानी प्रवद्र्धनका लागि अन्तरदेशीय प्रयास, संयुक्त वाणिज्य फोरम गठनलगायत विषयमाथि पनि छलफल भएको थियो । दुवै पक्षले द्विदेशीय व्यापारलाई आगामी दिनमा अझ सुदृढ गर्ने सरकारी प्रयास गर्नुपर्ने धारणा राखेका थिए ।

प्रतिक्रिया [0]
प्रतिक्रिया दिनुहोस्