ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

नेपाल सुनचाँदी व्यवसायी महासंघको महाधिवेशन हुँदै

२०७७ पौष, २३  
बजार
NA

काठमाडौं (अस) । नेपाल सुनचाँदी व्यवसायी महासंघको सातौं तथा आठौं वार्षिक साधारणसभा एवं तेस्रो महाधिवेशन आउँदो पुस २४ र २५ गते काठमाडौंमा हुने भएको छ ।

यस पटक महासंघको साधारणसभा तथा अधिवेशनमा देशभरका ६५ जिल्ला र नगर संघ तथा वस्तुगत र एसोसिएट सदस्यहरूका तर्फबाट ६ सयभन्दा बढी प्रतिनिधि र पर्यवेक्षकले सहभागिता जनाउनेछन् ।

कोरोना संक्रमण विद्यमान अवस्थालाई दृष्टिगत गरेर सरकारले तोकेको स्वास्थ्य मापदण्डअनुरूप कार्यक्रम सञ्चालन गरिनेछ ।

साधारणसभा उद्घाटन अर्थमन्त्री विष्णुप्रसाद पौडेलले गर्ने कार्यक्रम छ । शुक्रबार काठमाडौंको होटल याक एन्ड यतीमा उद्घाटन सत्र हुनेछ । शनिबार बन्दसत्र तथा निर्वाचनको कार्यक्रम छ । निर्वाचनबाट ५५ सदस्यीय नयाँ कार्यसमिति चयन हुनेछ ।

नेपाल सुनचाँदी ब्यवसायी महासंघले पनि संघीय संरचनालाई आत्मसात् गर्दै ७ वटै प्रदेशमा प्रदेश महासंघ गठन गरेअनुरूप  प्रदेश महासंघको निर्वाचन सम्पन्न भइसकेको छ ।  

यस पटकको साधारणसभामा कोरोना महामारीका कारण र नेपाल सरकारबाट सुनको कोटालाई २० किलोबाट १० किलोमा झारी आधा कटौती गरेपछि प्रभावित बनेको सुनचाँदी व्यवसायलाई पूर्ववत् अवस्थामा फर्काउन साझा एजेन्डाका लागि छलफल हुनेछ । विगत वर्षमा झैं यस पटकको वार्षिक साधारणसभामा पनि छापा, विद्युतीय र अनलाइन गरी तीन विधाका तीन सञ्चारकर्मीलाई सम्मानित गर्ने कार्यक्रम रहेको महासंघले जनाएको छ ।

प्रतिक्रिया [0]
प्रतिक्रिया दिनुहोस्