ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

साताको अन्तिम कारोबार दिन नेप्से परिसूचकसँगै कारोबार रकममा वृद्धि

प्रभु बैंकको सर्वाधिक कारोबार

२०७७ पौष, २३  
लगानी नेप्से विश्लेषण
Image Not Found
author avatar अभियान संवाददाता

पुस २३, काठमाडौं । साताको अन्तिम कारोबार दिन बिहीवार नेप्से परिसूचकसँगै कारोबार रकम पनि बढेको छ । यस दिन नेप्से परिसूचक अघिल्लो कारोबार दिनको तुलनामा १५ दशमलव ९१ अंकले बढेर २ हजार १९४ दशमलव ४८ विन्दुमा पुगेको हो । 

बुधवार २ हजार १७८ दशमलव ५७ विन्दुमा पुगेर बन्द भएको बजार बिहीवार २ हजार १८१ दशमलव २७ विन्दुदेखि खुला भएको थियो । यस दिन परिसूचक २ हजार २०४ विन्दुसम्म पुगेर तल झरेको हो ।

बिहीवार कारोबार रकम पनि बढेको छ । बुधवार रू. ४ अर्ब ४२ करोड ५४ लाख ७२ हजार बराबरको शेयर कारोबार भएकोमा बिहीवार रू. ५ अर्ब ८७ करोड ४७ लाख ८ हजार बराबरको शेयर कारोबार भएको हो ।

यस दिन २०८ ओटा कम्पनीको ५० हजार ९३३ पटकको व्यापारमा उक्त रकम बराबरको १ करोड १७ लाख ६७ हजार ४९२ कित्ता शेयर कारोबार भएको हो । कुल कारोबारमा सर्वाधिक रकमको हिस्सा यो दिन भने प्रभु बैंकले ओगटेको छ ।

उक्त कम्पनीको बिहीवार रू. ३१ करोड ७१ लाख ३६ हजार बराबरको शेयर कारोबार भएको हो । सर्वाधिक रकमको कारोबार भएको उक्त कम्पनीको शेयरमूल्य पनि यो दिन प्रतिकित्ता रू. १७ ले बढेर अन्तिम मूल्य रू. ३८७ पुगेको छ ।

बिहीवारको कारोबारले सेन्सेटिभ इन्डेक्स पनि ३ दशमलव शून्य ८ अंक बढेर ४२१ दशमलव २२ विन्दुमा पुगेको छ । यो दिन अन्य समूहको परिसूचक शून्य दशमलव २ प्रतिशतले घटेको छ भने बाँकी ११ समूहको परिसूचक बढेको छ ।

व्यापारिक समूहको परिसूचक सर्वाधिक ४ दशमलव ७९ प्रतिशतले बढेको छ । त्यस्तै उत्पादन तथा प्रशोधनको २ दशमलव शून्य ६ प्रतिशत, निर्जीवन बीमाको १ दशमलव ४६ प्रतिशत, लघुवित्तको १ दशमलव ३७ प्रतिशत, वित्तको १ दशमलव १६ प्रतिशत, बैंकिङको शून्य दशमलव ७९ प्रतिशत, जलविद्युतको शून्य दशमलव ६४ प्रतिशत, विकास बैंकको शून्य दशमलव ४५ प्रतिशत, होटलको शून्य दशमलव ३१ प्रतिशत, जीवन बीमाको शून्य दशमलव २८ प्रतिशत र म्यचुअल फण्डको शून्य दशमलव ११ प्रतिशतले परिसूचक बढेको हो ।

बिहीवार मल्टिपर्पस फिनान्सको शेयरमूल्य सर्वाधिक १० प्रतिशतले बढेको छ भने मिर्मिरे माइक्रोफाइनान्स र आइएमई जनरल इन्स्योरेन्सको ९ दशमलव ९२ प्रतिशत, नारायणी डेभलपमेण्ट बैंकको ९ दशमलव ९१ र प्रभु लाइफ इन्स्योरेन्सको शेयरमूल्य ९ दशमलव ८३ प्रतिशतले बढेको छ । 

मल्टिपर्पस फिनान्स कम्पनीको शेयरमूल्य यो दिन प्रतिकित्ता रू. १५ ले बढेर रू. १६५ पुगेको छ भने मिर्मिरे लघुवित्तको प्रतिकित्ता रू. ११२ ले बढेर अन्तिम मूल्य रू. १ हजार २४१ पुगेको छ । 

त्यस्तै आइएमई जनरल इन्स्योरेन्सको प्रतिकित्ता रू. ६१ ले बढेर अन्तिम मूल्य रू. ६७६ , नारायणी डेभलपमेण्टको प्रतिकित्ता रू. ५७ ले बढेर अन्तिम मूल्य रू. ६३२ र प्रभु लाइफको प्रतिकित्ता रू. १७ ले बढेर अन्तिम मूल्य रू. १९० कायम भएको हो । यो दिन एभरेष्ट बैंकको अग्राधिकार शेयर र खानीखोला हाइड्रोपावरको शेयरमूल्य ३ प्रतिशतभन्दा बढीले घटेको छ ।

एभरेष्ट बैंकको अग्राधिकार शेयरको मूल्य ३ दशमलव ८१ प्रतिशतले घटेर अन्तिम मूल्य रू. ७०६ र खानीखोला हाइड्रोको ३ दशमलव ५७ प्रतिशतले घटेर अन्तिम मूल्य रू. १०८ कायम भएको हो ।
 

प्रतिक्रिया [0]
प्रतिक्रिया दिनुहोस्