ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

चन्द्रागिरी हिल्सको आईपीओमा पहिलो दिनमै मागभन्दा ३.४३ गुणा बढी आवेदन

२०७७ पौष, २४  
लगानी
Image Not Found
author avatar अभियान संवाददाता

पुस २४, काठमाडौं   ।  चन्द्रागिरी हिल्स कम्पनीले निष्कासन गरेको आईपीओमा पहिलो दिनमै मागभन्दा बढी आवेदन परेको छ ।

 आवेदकले शुक्रवार दिउँसोसम्म ४७ लाख ९६ हजार ७०० कित्ताका लागि आवेदन दिएका छन् । विक्री प्रबन्धकका अनुसार उक्त कम्पनीको आईपीओमा २ लाख ३१ हजार ८९२ जनाले रू. ४७ करोड ९६ लाख ७० हजार बराबरको आवेदन दिएका हुन ।

यो सर्वसाधारणलाई निष्कासन गरेको १३ लाख ९६ हजार २२ कित्ताको  मागभन्दा ३ दशमलव ४३ गुणा बढी हो । कम्पनीले  शुक्रवारदेखि १५ लाख ३४ हजार ९१ कित्ता आईपीओ निष्कासन गरेको हो । जसमध्ये ६१ हजार ३६४ कित्ता कर्मचारीको लागि,७६ हजार ७०५ कित्ता सामुहिक लगानी कोषको लागि छुट्याएको र  बाँकी रहेको १३ लाख ९६ हजार २२ कित्ता साधारण शेयर सर्वसाधारणको लागि निष्कासन गरिएको हो ।

यस आईपीओमा आवेदकले न्यूनतम १० कित्ता र अधिकतम १३ हजार ९६० कित्ताको लागि आवेदन गर्न सक्नेछन् । आईपीओ निष्कासन बन्द मिति छिटोमा पुस २८ र ढिलोमा माघ ९ गतेसम्म रहेको छ । 

कम्पनीले निष्कासन गर्ने आईपीओलाई इक्रा नेपालले ईक्रा एनपी आर डबल बी रेटिङ प्रदान गरेको छ । यस्तो रेटिङले मध्यम स्तरको क्रेटिड जोखिम भन्ने बुझाउछ । आईपीओ निष्कासन तथा विक्री प्रबन्धकमा ग्लोबल आइएमई क्यापिटल लिमिटेड रहेको छ । 

साथै आवेदकले सि आस्वा सेवा सदस्य बैंक तथा वित्तीय संस्था र मेरोशेयर मार्फत आवेदन गर्न सक्नेछन् । आईपीओ बाँडफाँटपछि कम्पनीको चुक्तापूँजी रू. १ अर्ब ५३ करोड ४० लाख ९०१ हजार पुग्नेछ । कम्पनीले यसअघि नै स्थानिय बासिन्दाका लागि आईपीओ बाँडफाँट गरिसकेको छ ।
 

प्रतिक्रिया [0]
प्रतिक्रिया दिनुहोस्